2019թ. փետրվարի 8-ին ՀՀ ԳԱԱ Հ. Աճառյանի անվան լեզվի ինստիտուտի կիրառական լեզվաբանության բաժնում տեղի ունեցավ գիտական քննարկում` նվիրված համակարգչային լեզվաբանության արդիական խնդիրներին: Բանախոս բ.գ.թ. Ֆ. Հակոբյանը, ներկայացնելով appliedlinguistics.am կայքը, նշեց. «Հայագիտության մեջ տեղեկատվական տեխնոլոգիաների կիրառման, տեսական և կիրառական լեզվաբանության խնդիրների, դրանց լուծման նորագույն հետազոտական մեթոդների` գիտական պատշաճ մակարդակով ներկայացումը էապես կարևորվում է ընդհանուր լեզվաբանության զարգացման արդի փուլում:
appliedlinguistics.am կայքը ստեղծելիս նկատի ենք ունեցել ժամանակակից կիրառական և համակարգչային լեզվաբանության բարձրագույն մակարդակն արտացոլելու, հայ գիտական հանրությանը դրանց նպատակները, արդիական խնդիրները և զարգացման հեռանկարները ներկայացնելու անհրաժեշտությունը:
Կիրառական լեզվաբանությանը նվիրված օտարալեզու կայքերը քիչ չափով կարող են օգտակար լինել համակարգչային լեզվաբանությամբ հետաքրքրվող հայ լեզվաբանի համար մի քանի հիմնական պատճառներով:
Հարկ է նկատել, որ զգալի անջրպետ կա հայ և համաշխարհային համակարգչային լեզվաբանության միջև, քանի որ եթե Հայաստանում համակարգչային լեզվաբանությունը նոր ձևավորվող գիտություն է և լեզվաբանների շրջանում ոչ այնքան հայտնի, համաշխարհային համակարգչային լեզվաբանությունը հասել է զարգացման այնպիսի մակարդակի, որ լեզվաբաններն իրենց հոդվածներում լեզվաբանական այս կամ այն խնդրի լուծման համար առաջարկում են ծրագրային որևէ լուծում՝ լայնորեն օգտագործելով տարատեսակ ալգորիթմներ: Այս հանգամանքը առավելագույն չափով բարդացնում է համակարգչային լեզվաբանությամբ հետաքրքրվող հայ լեզվաբանի գործը:
կայքերը համակողմանիորեն ու սպառիչ կերպով չեն ներկայացնում կիրառական լեզվաբանության բոլոր խնդիրները: Սա ենթադրում է, որ մասնավոր խնդրի մասին ամփոփ պատկերացում կազմելու համար պետք է ծանոթանալ բոլոր կայքերում եղած նյութերին։
Ի վերջո պակաս կարևոր չէ հայ լեզվաբանության մեջ այս ուղղությամբ տարվող աշխատանքները, հետազոտական արդյունքները, իրականացված նախագծերը ներկայացնելու խնդիրը:
appliedlinguistics.am կայքը շահեկանորեն տարբերվում է օտարալեզու մյուս կայքերից, քանի որ այն ներկայացնում է կիրառական և համակարգչային լեզվաբանության արդիական բոլոր հիմնախնդիրները:
Կայքը կարող է օգտակար լինել լեզվաբանների, լեզվածրագրավորողների, ուսանողների, ինչպես նաև գիտական հանրության լայն շրջանակների համար»:
Ամիր Մեհդիի Զեյղամի «Էթնոնիմների իմաստային զարգացումը պարսից դասական գրականության մեջ
(IX –XVI դարեր)»
(թեկնածուական ատենախոսություն) Ժ.02.06 «Ասիայի հին և նոր լեզուներ»
26....
Անուշ Անդրանիկի Խաչատրյան «Էլեկտրոնային մամուլի լեզուն (բառային կազմ, քերականական համակարգ)»
(թեկնածուական ատենախոսություն) Ժ.02.01 «Հայոց լեզու»
30.04.2024, ժ.15-ին
...
