Կիրառական լեզվաբանության բաժին

    Կիրառական լեզվաբանության բաժնում աշխատանքներն ընթանում են հետազոտական հետևյալ ուղղություններով` փորձառական հնչյունաբանական հետազոտություններ, նյարդահոգելեզվաբանական ուսումնասիրություններ։ Կիրառական լեզվաբանության բաժնի նպատակն է լեզվաբանական գիտելիքները վերածել գործնական արդյունքների՝ ուսուցման, գիտահետազոտական և կիրառական ոլորտներում։

 1․Փորձառական հնչյունաբանություն

•  Հետազոտում է հնչամիավորների ուժգնությունը, տևողությունը, հաճախականությունը, խոսքի հնչերանգային կառուցվածքը, տեմպը և այլ հնչյունաբանական-ձայնաբանական երևույթներ։
• Վերլուծում է ինչպես առանձին հնչյունները, այնպես էլ ամբողջական խոսքը՝  ներառելով արտասանության նորմերը և դրանց փոփոխությունները։
• Հիմնական աշխատանքները իրականացվում են ձայնի վերլուծության ծրագրերի միջոցով, որոնք նպաստում են հետազոտության արդյունավետությանը։

2․ Նյարդահոգելեզվաբանություն

• Մշակում և իրականացնում է փորձարարական միջգիտակարգային ծրագրեր՝ հիմնված ինչպես նյարդավերլուծական մեթոդների (օրինակ՝ EEG, GSR), այնպես էլ լեզվաբանական և հոգեբանական փորձարկումների վրա։
• Խթանում է գիտահետազոտական նոր մտածողությունը Հայաստանում։
• Ստեղծում է գիտական համագործակցության կենդանի ցանց՝ տեղական և
  միջազգային մակարդակներում։