Կիրառական լեզվաբանության բաժին

Կիրառական լեզվաբանության բաժնում հայերենագիտական ուսումնասիրությունների մեջ նորագույն տեխնոլոգիաների կիրառմանն առնչվող հիմնահարցերից առանձնապես կարևորվում են ինչպես տեղեկատվական համակարգերի լեզվաբանական ապահովման` տվյալների հենքեր ու շտեմարաններ կազմելու, լեզվի ձևայնացված նկարագրության, տեքստերի սրբագրման ու խմբագրման համակարգերի մշակման, այնպես էլ համակարգչային տեխնիկայի օգտագործմամբ բազմազան գիտական ու կիրառական խնդիրներ լուծելու հարցերը (մեքենական թարգմանություն, զանազան բառարանների, այդ թվում` էլեկտրոնային համաբարբառների, բառապաշարի համակարգչային շտեմարանի ստեղծում և այլն):

Արդի փուլում կիրառական լեզվաբանության բաժնում ծրագրվում և իրականացվում են գիտական այնպիսի նախագծեր, որոնք արտացոլում են համակարգչային լեզվաբանության առկա նվաճումները և ապահովում հայագիտության մեջ դրանց կիրառությունը։ Միաժամանակ արդիականացվում և նոր հիմքերի վրա են դրվում բաժնի համար ավանդական հետազոտական և կիրառական ուղղությունները։

Ստորև ներկայացվում են այն հիմնական թեմաները, որոնց ուղղությամբ ծավալվում են աշխատանքները։

Կիրառական լեզվաբանության արդի խնդիրներ 2015-2020թթ.

Համակարգչային լեզվաբանության արդիական խնդիրների քննություն
Հայերենի լիակատար ձևային նկարագրություն
hamabarbar.am կայքում գործող ‹‹Հայկական էլեկտրոնային համաբարբառի››՝ բնագրային նոր համաբարբառներով համալրում
Հայերենի բառապաշարի համակարգչային շտեմարանի ստեղծում
Դասական գրաբարի բառապաշարի քննություն
Փորձառական հնչյունաբանական հետազոտություններ
Ավետարանների հարցական նախադասությունների քննություն

Թեմայի պատասխանատու՝ բ.գ.դ., պրոֆ. Լ. Հովսեփյան

Կիրառական լեզվաբանության արդի խնդիրների ուղղությամբ 2018 թ. կատարվելու են հետևյալ թեմաները.

Համակարգչային լեզվաբանության արդիական խնդիրների քննություն
hamabarbar.am կայքում գործող ‹‹Հայկական էլեկտրոնային համաբարբառի››՝ բնագրային նոր համաբարբառներով համալրում
Հայերենի բառապաշարի համակարգչային շտեմարանի ստեղծում
Դասական գրաբարի բառապաշարի քննություն
Ժամանակակից հայերենի հպաշփական հնչյունների փորձառական ուսումնասիրություն
Հարցական նախադասությունները Հովհաննեսի արևելահայերեն և արևմտահայերեն Ավետարաններում