Միջազգային նոր համագործակցություն ՀՀ ԳԱԱ լեզվի ինստիտուտում

           ՀՀ ԳԱԱ Հ. Աճառյանի անվան լեզվի ինստիտուտը միջազգային համագործակցության առաջարկ ստացավ Ռուսաստանի գիտությունների ակադեմիայի պետական գիտական բազային կազմակերպության Հ. Իբրահիմովի անվան համալիր հետազոտական ինստիտուտից, և երկու կողմերի միջև կնքվեց համագործակցության պայմանագիր:

       Պայմանագրի շրջանակում սկիզբ դրվեց առաջին համատեղ գիտական ուսումնասիրությանը, որը հոգելեզվաբանության ուղղությամբ իրականացնելու են ՀՀ ԳԱԱ լեզվի ինստիտուտի կիրառական լեզվաբանության բաժինը և ՌԳԱ համալիր հետազոտական ինստիտուտի բանասիրության և մշակութաբանության լաբորատորիան: Մշակվեց հոգելեզվաբանական բազմալեզու գիտափորձի հայոց լեզվի հատվածի մեխանիզմը, ինչպես նաև գործնական քայլեր ձեռնարկվեցին  ՀՀ ԳԱԱ լեզվի ինստիտուտում հոգենյարդալեզվաբանական ընդլայնված հետազոտությունների հարթակ ստեղծելու ուղղությամբ: