Ասպիրանտուրա ընդունվելու կարգ

            ՀՀ ԳԱԱ Հ.Աճառյանի անվան լեզվի ինստիտուտը պատրաստում է գիտական կադրեր (ասպիրանտներ) «Հայոց լեզու»  (լեզվի պատմություն, բարբառագիտություն, ժամանակակից հայոց լեզու) և  «Ընդհանուր և համեմատական լեզվաբանություն» մասնագիտություններով:

Մրցութային կարգով ասպիրանտուրա կարող են ընդունվել ՀՀ այն քաղաքացիները, որոնք ունեն մագիստրոսի կամ դիպլոմավորված մասնագետի որակավորում:

           Նախկինում ասպիրանտուրան ավարտած կամ ասպիրանտուրայից անհարգելի պատճառով ազատված անձինք կրկին պետպատվերով ասպիրանտուրա ընդունվել չեն կարող:

Ասպիրանտուրա ընդունվելու համար դիմումը պետք է հասցեագրել ՀՀ ԳԱԱ Հ. Աճառյանի անվան լեզվի ինստիտուտի տնօրեն Վ.Կատվալյանին: 

           Դիմումին կից անհրաժեշտ է ներկայացնել հետևյալ փաստաթղթերը (երկու օրինակ).

1. Բարձրագույն կրթության մասին դիպլոմի և նրա հավելվածի պատճենները (եթե դրանք դեռևս ստացված չեն, ապա` համապատասխան տեղեկանք բուհից): Օտարերկրյա պետություններում բարձրագույն կրթություն ստացածների համար՝ փաստաթուղթ կրթության համարժեքության մասին:

2. Կադրերի հաշվառման անձնական թերթիկ:

3. Ինքնակենսագրություն, 3 լուսանկար (3X4), որից երկուսը` փակցված անձնական թերթիկներին:

4. «Օտար լեզու» առարկայի ատեստավորման վկայականը կամ դրան համապատասխան տեղեկանքը (սահմանված ներքին շեմով՝ բալային գնահատմամբ):

5. Ընտրված մասնագիտության գծով հրատարակված առնվազն մեկ գիտական աշխատանքի պատճենը կամ գիտական ռեֆերատ՝ 20 տպագրական էջի սահմաններում:

6.  Քաղվածք աշխատանքային գրքույկից (առկայության դեպքում):

7. Անձնագրի և զինվորական գրքույկի պատճենները:

8.  Երկու  թղթապանակ (կապովի):   

         Ասպիրանտուրա ընդունվողը հանձնում է քննություն «Ժամանակակից  հայոց լեզու» առարկայից, որի  հանձնելու կարգի և ծրագրի մասին անհրաժեշտ է տեղեկանալ ՀՀ ԳԱԱ Հ. Աճառյանի անվան լեզվի ինստիտուտում: Մասնագիտական առարկայի քննությունից «բավարար» գնահատական ստացած դիմորդները զրկվում են ասպիրանտուրա ընդունվելու իրավունքից: Քննության վերահանձնում չի թույլատրվում:

«Օտար լեզու» առարկայի համար սահմանված են հետևյալ անցումային շեմերը`

Անգլերեն   TOEFL (iBT) – 2.5  միավոր,  (IELTS) - 5.5 միավոր,

Ֆրանսերեն  – (TCF)  - 200 միավոր,

Գերմաներեն  –  (on DAF) -  60 միավոր: