Բարբառագիտության բաժնում կազմվել և խմբագրվել է "Հայոց լեզվի բարբառային բառարանը": Կազմվում են հայ բարբառների բառիմաստային և բառային զուգաբանությունների շտեմարաններ, որոնցում կներկայացվեն հայերենի բարբառների հնչյունական և բառային այն ընդհանրությունները, որոնցով տարբեր բարբառախմբերի պատկանող բարբառներն ու խոսվածքները ի հայտ են բերում ընդհանուր լեզվական հատկանիշներ: Աշխատանքներ են տարվում նաև բարբառագիտական նոր նյութերի գրանցման բարբառային քարտեզներ կազմելու ուղղությամբ: Քննվում են հայերենի բարբառների բառապաշարը ըստ բառիմաստային խմբերի և բարբառների հնչյունական և քերականական առանձնահատկությունները: Բաժնի վարիչ` ՀՀ ԳԱԱ լեզվի ինստիտուտի տնօրեն, բ.գ.դ. Վիկտոր Կատվալյան:
Հայ բարբառների ուսումնասիրության հիմնական ուղղությունները
● Հայերենի բարբառագիտական ատլասի նյութերի համալրում (առկա նյութի թվայնացում, մուտքագրում, դաշտային աշխատանքներ՝ նոր նյութեր հավաքելու համար):
● Հայերենի բարբառային բառապաշարի իմաստային, ծագումնաբանական, բառակազմական քննություն:
● Հայերենի բարբառների հնչյունական համակարգի փորձառական ուսումնասիրություն:
● Հայերենի բարբառների քերականական համակարգերի քննություն:
● Հինհայերենյան և միջինհայերենյան իրողությունների դիտարկում հայերենի բարբառներում:
● Հայ բարբառների համեմատական ուսումնասիրություն:
● «Հայ բարբառագիտություն» ակադեմիական աշխատության ստեղծում (տեսական հիմնադրույթների, ուսումնասիրության մեթոդների և սկզբունքների ճշգրտում, նյութի մշակում և շարադրում):
Բարբառագիտության բաժնի գիտաշխատակիցների2020 թ. գիտական թեմաները.
Վիկտոր Կատվալյան, «Հայ բարբառագիտություն». բարբառային հայերենի քերականական առանձնահատկությունները
Հայկանուշ Մեսրոպյան, Բուսանունները հայերենի բարբառներում (թփեր)
Աբահիտ Աբրահամյանշ, Ակնի բարբառի բառապաշարի ընդհանուր նկարագիրը (կից բառացանկերով)
Հասմիկ Խաչատրյան, Համշենի բարբառի` Գուդաութի շրջանի խոսվածքների բառապաշարի ուսումնասիրություն
Ջեմմա Բառնասյան, Լեզվամտածողության տարբերակային արտահայտություններ հայերենի բարբառային բառապաշարում. արևելյան խմբակցության բարբառներ
Արտակ Վարդանյան, Նախիջևանի տարածքի բարբառային միավորների ընդհանուր բնութագրերը
Գայանե Գևորգյան, Արաբկիրի բարբառի լեզվական բնութագիրը
Անահիտ Մկրտումյան, Բարբառային աղյուսակների կազմում. Գեղարքունիքի, Վայոց ձորի, Կոտայքի մարզեր
Նինա Սահակյան , Քերականական զուգաբանությունների մուտքագրում (25-30 տետր)
Մելանյա Խառատյան , Քերականական զուգաբանությունների մուտքագրում (25-30 տետր
