Գիտական քննարկում արդի հայերենի բաժնում

       Սույն թվականի ապրիլի 9-ին արդի հայերենի բաժնում տեղի ունեցավ գիտական քննարկում, որը նվիրված էր բան. գիտ. դոկտոր, պրոֆ. Արտաշես Պապոյանի ծննդյան 90-ամյակին: Բանախոսը՝ արդի հայերենի բաժնի գիտաշխատակից Կարինե Առաքելյանը, ներկայացրեց անվանի լեզվաբանի կյանքը, ապա անդրադարձավ նրա գիտական և մանկավարժական վաստակին: Նշվեց, որ Արտաշես Պապոյանի գիտական հետաքրքրությունների տիրույթում են եղել ժամանակակից հայոց լեզվի բոլոր մակարդակների կառուցվածքային հիմնահարցերը, ոճագիտության տեսական և գործնական խնդիրները, հետպատերազմյան շրջանի արևելահայ չափածոյի տաղաչափության և լեզվական արվեստի հարցերը: Նա հեղինակ է մի շարք մենագրությունների, բառարանների, բուհական ձեռնարկների, դասագրքերի և այլ աշխատությունների: Հայաստանյան և արտասահմանյան գիտական պարբերականներում տպագրել է ավելի քան 200 հոդված:

          Քննարկման ավարտին ծավալվեց մտքերի աշխույժ փոխանակություն: