ՀՀ ԳԱԱ Հ. Աճառյանի անվան լեզվի ինստիտուտի բարբառագիտության բաժնի հերթական գիտական քննարկման թեման նվիրված էր ակադեմիկոս Գևորգ Ջահուկյանին, քանի որ քննարկան օրը զուգադիպում էր մեծանուն լեզվաբանի ծննդյան օրվա հետ:
Հ. Մեսրոպյանը, Ջ. Բառնասյանը, Ա. Աբրահամյանը, Ա. Վարդանյանը շեշտեցին այն մեծագույն ավանդը, որ Գ. Ջահուկյանը ներդրել է հայ և համաշխարհային լեզվաբանության զարգացման մեջ: Արժևորվեցին հատկապես Գ. Ջահուկյանի բարբառագիտական ժառանգությունը՝ «Հայ բարբառագիտության ներածություն», «Հայոց լեզվի պատմություն. նախագրային շրջան» հիմնարար աշխատանքները, Հայերենի ստուգաբանական բարձրարժեք բառարանը, հայոց լեզվի պատմությանը, նախագրային, հին, միջին և նոր շրջանների հիմնական առանձնահատկություններին, հայոց լեզվի կառուցվածքի և բառապաշարի պատմական զարգացմանը նվիրված աշխատանքները։
Առանձնապես կարևորվեց հայ բարբառների ուսումնասիրության և դասակարգման ասպարեզում Գ. Ջահուկյանի ներդրած բազմահատկանիշ վիճակագրական դասակարգման մեթոդը, որը նոր խոսք էր հայ բարբառագիտության մեջ, և որի կիրառմամբ այսօր էլ շարունակվում են ուսումնասիրվել հայերենի չուսումնասիրված բարբառային միավորները:
Ներկաները խոսեցին նաև Գ. Ջահուկյանի դրսևորած՝ անաչառ ղեկավարի, գիտության կազմակերպչի և մարդկային բարձր հատկանիշների մասին: Ա. Վարդանյանը ներկայացրեց ժամանակին մամուլում հրապարակած «Որտե՞ղ են Ջահուկյան տոհմի արմատները» հոդվածը («Հայաստանի Հանրապետություն», 3 հուլիսի 2004թ. և «Գոլոս Արմենիի», 5 հոկտեմբերի 2004թ.):
Ամիր Մեհդիի Զեյղամի «Էթնոնիմների իմաստային զարգացումը պարսից դասական գրականության մեջ
(IX –XVI դարեր)»
(թեկնածուական ատենախոսություն) Ժ.02.06 «Ասիայի հին և նոր լեզուներ»
26....
Անուշ Անդրանիկի Խաչատրյան «Էլեկտրոնային մամուլի լեզուն (բառային կազմ, քերականական համակարգ)»
(թեկնածուական ատենախոսություն) Ժ.02.01 «Հայոց լեզու»
30.04.2024, ժ.15-ին
...
