Գիտական քննարկում հայոց լեզվի պատմության բաժնում

07/06/2019

Հունիսի 7-ին հայոց լեզվի պատմության բաժնում տեղի ունեցավ հերթական քննարկումը: Այն վերաբերում էր հայերեն ձեռագրերի՝ 13-րդ դարի հիշատակարաններում գործածված օտար ծագման բառերին: Ըստ բանախոսի՝ վերջիններս այնպիսի բառեր են, որոնց օտար լինելը գիտակցվում է հայերենի զարգացման ողջ ընթացքում: Նախ առանձնացվեցին էկզոտիկ բառերը, այսինքն՝ այլ ազգերի մշակույթին, կառավարման համակարգին վերաբերողները, որոնց գործածությունն անխուսափելի է: Ապա ներկայացվեցին մի շարք օտար բառեր, որոնք գործածվել են հայերեն համարժեքն ունենալու պայմաններում: Այսպիսով, հասկանալի է դառնում, որ տվյալ բառերը ժամանակին լայնորեն կիրառվել են բարբառային հայերենում, ուստի և գործածվել են բարբառախոս հիշատակագիրների կողմից:

Քննարկման մասնակիցները տարբեր բառերի առնչությամբ հանդես եկան արժեքավոր դիտողություններով: Օտար բառերի հնչյունական բազմազանությունը բացատրվեց տարածական առանձնահատկություններով, տարբեր լեզուներից փոխանցված լինելու, հիշատակագիրների սխալագրության և այլ հանգամանքներով:

Հայտարարություններ

ԾԱՆՈՒՑՈՒՄ

Ս.թ. հունիսի 12-13-ին կայացած «Ջահուկյանական ընթերցումներ» գիտական նստաշրջանի հարգելի՛ մասնակիցներ, «Ջահուկյանական ընթերցումներ» հանդեսին հոդվածները ներկայացնելու վերջին ժամկետը 2025թ. հուլիսի մեկն է:

Ատենախոսություններ