Սթրեսը հաղթահարելուն ուղղված թրեյնինգային մոդուլի ավարտը

       ՀՀ ԳԱԱ Հ. Աճառյանի անվան լեզվի ինստիտուտի կիրառական լեզվաբանության բաժնի նյարդահոգելեզվաբանության լաբորատորիայում այսօր ավարտվեց 3 մասից բաղկացած՝ թերապևտիկ բաղադրիչով «Սթրեսից կայունություն. խոսքը՝ հոգեբանական խնամքի և դիմակայության քայլ (հոգեբանական օգնություն և ուղեցույց)» խորագրով գիտագործնական թրեյնինգային մոդուլը։
     Թիրախային խմբում գիտակրթական մի շարք կազմակերպությունների տարբեր տարիքի, սեռերի ներկայացուցիչներ էին։
      Մասնակիցները մեծ ապրումակցությամբ կիսվում էին սթրեսային փորձառություններով և հաղթահարման իրենց ուղիներով՝ ընդգծելով բառերի նշանակությունը ցավոտ փորձը նորովի ընկալելու և իմաստավորելու գործընթացում։
      Մոդուլի ավարտին մասնակիցները, ի նշան սրթեսի հաղթահարման, ստացան խորհրդանշական «հակասթրես» խաղալիքներ։
        Շնորհակալություն ենք հայտնում ՀՀ ԳԱԱ լեզվի ինստիտուտի տնօրենությանը աջակցության և մեր մասնագիտական նախաձեռնություններին վստահելու համար։