Նույնանիշների՝ XVIII դարից ավանդված ձեռագիր բառարանների քննություն, Նազիկ Հովհաննիսյան

Մ. Մաշտոցի անվան Մատենադարանի ձեռագրացուցակները վկայում են հինգ ձեռագրեր, որոնք ամփոփում են նույնանիշների՝ XVIII դարից ավանդված ձեռագիր բառարաններ. դրանց քննությունն է սույն ուսումնասիրությունը։ Ներկայացվում են ձեռագիր բառարանների տեսակները, կազմությունը, նույնանիշների բառաշարքերի ձևավորման սկզբունքները, բառաշարքերի բառակազմական և ձևաբանական առանձնահատկությունները, բառային տարբերակները։ Հայ մատենագրության բնագրային օրինակների համեմատությամբ մանրամասնորեն դիտարկվում են ձեռագիր բառարաններում առկա բառիմաստային փոփոխությունները, նորակազմ բառերը, առանձնացվում և քննվում են բարբառային իրողությունները, փոխառյալ բառերը, օտարաբառ կազմությունները։