Կյանքից անժամանակ հեռացել է Վարդան Դևրիկյանը

14/04/2023

Խորապես վշտացած ենք ՀՀ ԳԱԱ Մ.Աբեղյանի անվան գրականության ինստիտուտի տնօրեն, բանասիրական գիտությունների դոկտոր Վարդան Դևրիկյանի մահվան գույժը լսելով: Մերօրյա հայ մտավորականի լավագույն հատկանիշներով էր օժտված նա՝ լինելով տաղանդավոր գրականագետ, գիտության հմուտ կազմակերպիչ, ազգի ու հայրենիքի նվիրյալ, ազնիվ ու արդարամիտ, բարեկիրթ ու բարյացակամ անձնավորություն:Իր ներկայությամբ նա զարդարում էր ցանկացած միջավայր, լույս ու ժպիտ էր փոխանցում մարդկանց: Նա լեզվաբանների ցանկալի զրուցակիցն էր, գործընկերը, լավագույնս տեղյակ էր նաև հայ լեզվաբանական մտքի նվաճումներին, և պատահական չէ, որ ՀՀ ԳԱԱ Հ.Աճառյանի անվան լեզվի ինստիտուտի գիտխորհրդի անդամ էր: Ավաղ, նրա մասին արդեն անցյալով ենք գրում, բայց հայագիտության ասպարեզում կհարատևի նրա գիտական անուրանալի վաստակը:

ՀՀ ԳԱԱ լեզվի ինստիտուտի տնօրենություն

Մուտք գործեք մեկնաբանությունների համար

Հայտարարություններ

ԾԱՆՈՒՑՈՒՄ

Ս.թ. հունիսի 12-13-ին կայացած «Ջահուկյանական ընթերցումներ» գիտական նստաշրջանի հարգելի՛ մասնակիցներ, «Ջահուկյանական ընթերցումներ» հանդեսին հոդվածները ներկայացնելու վերջին ժամկետը 2025թ. հուլիսի մեկն է:

Ատենախոսություններ