Կայացավ ՀՀ ԳԱԱ լեզվի ինստիտուտի տարեվերջյան ընդհանուր ժողովը

        Ս. թ. դեկտեմբերի 16-ին կայացավ ՀՀ ԳԱԱ լեզվի ինստիտուտի տարեվերջյան ընդհանուր ժողովը։ Ինչպես որ կարգն է, հաշվետու տարում՝ 2024թ., գիտական եւ գիտակազմակերպական գործունեության հիմնական արդյունքների մասին զեկուցումով հանդես եկավ ինստիտուտի տնօրեն, բ.գ.դ. Վիկտոր Կատվալյանը։
      Տնօրենը կարևորեց գիտական այնպիսի խնդիրների արծարծումը, որոնք ուղղակիորեն առնչվում են մեր տարածաշրջանում առկա իրավիճակին եւ երկրի առջեւ ծառացած մարտահրավերներին։ Այդ առումով պրն Կատվալյանն ուսումնասիրել և ներկայացրել է դեռ 1621թ. իտալացի հայագետ Ֆրանցիսկո Ռիվոլայի կազմած հայերեն-լատիներեն բառարանում առկա լեզվական փաստերն ու տեղեկությունները, որոնք արտացոլում են մեր տարածաշրջանի երկրների եւ ժողովուրդների իրական փոխհարաբերությունները։ Այդ բառարանը կարելի է համարել հիմնավոր գիտական հակափաստարկ՝ ընդդեմ պատմական իրողությունների ներկայիս աղավաղումների։
           Տնօրենն իր խոսքում ներկայացրեց ինստիտուտի գիտական թեմաների կատարման մասին բավական ծավալուն տեղեկատվություն։ Նշվեց նաև արդի գիտության զարգացման նոր մարտահրավերներին պատրաստ լինելու անհրաժեշտության մասին։ Տնօրենի զեկուցմանը հաջորդեցին ելույթներ ու առաջարկություններ։ Կոլեկտիվի ընդհանուր ժողովըկ ատարված աշխատանքները գնահատեց բավարար։ Դրական կարծիք հայտնեց նաև ՀՀ ԳԱԱ ՀՀԳ բաժանմունքի ակադեմիկոս-քարտուղար Յուրի Սուվարյանը։

Ավագ գիտաշխատղ Ջ. Բառնասյան