Հերթական կլոր սեղան-քննարկումը կիրառական լեզվաբանության բաժնում

        Ս. թ. հոկտեմբերի 22-ին ՀՀ ԳԱԱ լեզվի ինստիտուտի կիրառական լեզվաբանության բաժնում տեղի ունեցավ հերթական կլոր սեղան-քննարկումը: Այն ընթանում էր լեզվի ինստիտուտի կիրառական լեզվաբանության և հայոց լեզվի պատմության և բաժինների միջև։

        Քննարկվեցին միջազգային բարձր վարկանիշային գիտական պարբերականներում (SCOPUS, Web of SCIENCE) գիտական աշխատանքներ հրապարակելու խնդիրները։ Կլոր սեղան-քննարկման մասնակիցներն անդրադարձան նաև հետազոտողի տվյալների բաց նույնականացման (ORCID) յուրահատկություններին: Քննարկվեց նաև հրապարակման ենթակա ուսումնասիրության շրջանակներում գիտական աշխատանքի բաշխվածության հարցը մասնակիցների միջև։