Առցանց գիտաժողով՝ «Արդի հայերենագիտության խնդիրները»

23/03/2020

Հարգելի՛ գործընկեր,

Հրավիրում ենք մասնակցելու «Արդի հայերենագիտության խնդիրներ» խորագրով առցանց գիտաժողովին (նվիրվում է Գ.Ջահուկյանի ծննդյան 100-ամյակին):

Գիտաժողովին մասնակցելու համար անհրաժեշտ է ս.թ. մարտի 23-ից մինչև ապրիլի 30-ը գիտական զեկուցման տեքստ ուղարկել viktorkatvalyan@mail.ru , lingvinst@sci.am էլ.փոստերին։

Նյութերը հընթացս կտեղադրվեն ինստիտուտի կայքի (http://language.sci.am) «Գիտաժողովներ» բաժնում։ Կայքում կտեղադրվեն նաև ընթերցողների հարցերը և հեղինակների պատասխանները, ինչպես նաև արված դիտարկումները։

Գիտաժողովի նյութերի ժողովածուն կհրապարակվի ինստիտուտի էլեկտրոնային կայքում:

Ուղարկվող տեքստերը պետք է համապատասխանեն հետևյալ չափանիշներին.

● Համակարգը՝ Microsoft Word, A4 չափի. հոդվածը՝ 10 էջից ոչ ավելի, ամփոփումը` մինչև 15 տող` ներառյալ հեղինակի ազգանունը, անունը, խորագիրը, լուսանցքը՝ 3 սմ բոլոր կողմերից, պարբերության առաջին տողի խորությունը՝ 1,25 սմ:

● Լեզուն՝ հայերեն (ամփոփում՝ ռուսերեն և անգլերեն), անգլերեն (ամփոփում՝ հայերեն):

● Տեքստի տառատեսակը` Sylfaen (հայերեն), ամփոփման տառատեսակը` Times New Roman (ռուսերեն և անգլերեն):

● Հերթականությունը` ա) հեղինակի ազգանուն, անուն, փակագծերում` աշխատավայր, բ) խորագիր, գ) տեքստ, դ) ամփոփում /հոդվածի վերջում գրականության ցանկ չկցել/:

● Հղումները` տողատակում, հերթական համարակալմամբ:

● Տառերի չափը. հեղինակի ազգանուն, անուն` 12 մուգ, աշխատավայր ` 12 ոչ մուգ, խորագիր` 12 մուգ, գլխատառ, ենթախորագրեր` 12 մուգ, տեքստ` 12 ոչ մուգ, ամփոփում` 12 ոչ մուգ (ամբողջությամբ), հղումներ` 10 մուգ (հեղինակ), 10 ոչ մուգ, թեք (խորագիր), 10 ոչ մուգ (մատենագրական տվյալներ):

● Տողերի միջև հեռավորությունը` 1,15:

Մուտք գործեք մեկնաբանությունների համար

Հայտարարություններ

Միջազգային գիտաժողով՝ «Արևմտահայերենը 21-րդ դարում. Մարտահրավերներ և հնարավորություններ»

Սիրով հրավիրում ենք մասնակցելու «Արևմտահայերենը 21-րդ դարում. Մարտահրավերներ և հնարավորություններ» խորագրով միջազգային գիտաժողովին, որը տեղի կունենա 2024 թ. նոյեմբերի 7-8-ին ՀՀ ԳԱԱ Հ.Աճառյանի անվան լեզվի ինստիտուտում: Գիտաժողովը կազմակերպում են ՀՀ ԳԱԱ հայագիտության և հասարակական գիտությունների բաժանմունքը, ԳԱԱ Հ. Աճառյանի...
Հանրապետական գիտաժողով՝ «Բառագիտության արդի խնդիրներ»

   Հարգելի՛ գործընկերներ,

            Սիրով տեղեկացնում ենք, որ ՀՀ ԳԱԱ Հ. Աճառյանի անվան լեզվի ինստիտուտը   2024 թ. հոկտեմբերի 10-ին հրավիրում է «Բառագիտության արդի խնդիրներ» խորագրով հանրապետական գիտաժողով՝ նվիրված Հայկ Ամալյանի 100-ամյակին:

         Գիտաժողովին զեկուցումով...
ԼԵԶՎԱԲԱՆՆԵՐԻՆ՝ Ի ԳԻՏՈՒԹՅՈՒՆ

«Ջահուկյանական ընթերցումներ»-ը այսուհետև հրատարակվում է իբրև մասնագիտական, կույր գրախոսվող հանդես՝ հայոց լեզվին և ընդհանուր լեզվաբանությանն առնչվող ամենատարբեր տեսական և թեմատիկ հարցադրումների համար հարթակ տրամադրելով ինչպես Հայաստանի, այնպես էլ արտերկրի գիտնականներին:

Ընդունվում են հայերեն, անգլերեն,...

Ատենախոսություններ