Գիտական քննարկում հայոց լեզվի պատմության բաժնում

        Հ. Աճառյանի անվան լեզվի ինստիտուտի հայոց լեզվի պատմության բաժնի՝  մայիսի 3-ի  հերթական  քննարկման   թեման   էր  «Գրիգորիսի «Քննութիւն բնութեան մարդոյ և նորին զանազան կրից և պատճառանաց  ցաւոց» բժշկարանը որպես միջին հայերենի սկզբնաղբյուր»:  Նշվեց, որ 13-րդ դարի  Կիլիկյան բժշկական դպրոցի հայտնի ներկայացուցիչ և  Մ. Հերացու հետևորդ  բժիշկ Գրիգորիսի նշված  աշխատանքը միջնադարյան  հայ բժշկագիտության տեսական ու գործնական ախտաբանության հարցերին նվիրված մի  եզակի հուշարձան է:

         Գրիգորիսի բժշկարանը լեզվական  առումով զգալի նյութ է պարունակում միջին հայերենի բառապաշարի և քերականական իրողությունների ուսումնասիրության համար: 

          Բանախոսն անդրադարձավ բժշկարանի հնչյունական, բառապաշարային և քերականական առանձնահատկություններին, խոսեց բարբառային և փոխառյալ բառերի մասին, առանձնացրեց նորակազմություններն ու բառերի իմաստային նոր դրսևորումները:

        Բաժնում ծավալվեց հետաքրքիր ու բովանդակալից քննարկում: Եղան որոշ  նկատառումներ: Բանախոսը պատասխանեց  գիտաշխատակիցների հարցերին