Հանդիպում Արմեն Միքայելյանի հետ

01/06/2018

Սույն թվականի հունիսի 1-ին ԳԱԱ Հ. Աճառյանի անվան լեզվի ինստիտուտի հայոց լեզվի պատմության բաժնում տեղի ունեցավ քննարկում՝ նվիրված արևմտահայերենի և արևելահայերենի հնչյունական և քերականական համակարգերի առանձնահատկություններին: Հայոց լեզվի պատմության բաժինը հյուրընկալել էր Ֆրանսիայից ժամանած բանասեր, պատմաբան Արմեն Միքայելյանին: Նա ներկայացրեց արևմտահայերենի արդի վիճակը ֆրասահայ համայքում: Առաջարկեց երկու գրական լեզուների մերձեցման, միօրինակացման յուրօրինակ ուղիներ՝ կարծելով որ «արեւմտահայերէնի եւ արեւելահայերէնի քերականական տարբերութիւնները հնարաւոր է հարթեցնել եթէ երկուսի համար որպէս միջնորդ դատաւոր ընդունենք մեր գրաբար լեզուն»:

Քննարկումը բավականին բուռն էր, հետաքրքիր և բովանդակալից: Բաժնի աշխատակիցները հանդես եկան առաջարկներով, որոշ նկատառումներով և դիտարկումներով:

ՀՀ ԳԱԱ լեզվի ինստիտուտի հայոց լեզվի բաժնի վարիչ Գ. Մխիթարյանը կարևորեց նման քննարկումները, և որոշեցին նման հարցերի շուրջ համագործակցություն ծավալել ինստիտուտի արևմտահայերենի բաժնի հետ:

Հայտարարություններ

ԾԱՆՈՒՑՈՒՄ

Ս.թ. հունիսի 12-13-ին կայացած «Ջահուկյանական ընթերցումներ» գիտական նստաշրջանի հարգելի՛ մասնակիցներ, «Ջահուկյանական ընթերցումներ» հանդեսին հոդվածները ներկայացնելու վերջին ժամկետը 2025թ. հուլիսի մեկն է:

Ատենախոսություններ