Ուրբաթ, 11 Մայիս 2018ին Հրաչեայ Աճարեանի անուան լեզուի ինստիտուտին մէջ տեղի ունեցաւ սեմինար՝ «Գոյականի հայցական հոլովը եւ ներգործական բայերու խնդրառութիւնը արեւմտահայերէնի մէջ» խորագրով, ներկայութեամբ ինստիտուտի գիտաշխատողներու: Զեկուցողն էր արեւմտահայերէնի բաժինի կրտսեր գիտաշխատող Սօսի Միշոյեան: Սեմինարի նպատակն էր վեր առնել արդի հայերէնի արեւմտեան գրական ճիւղի հայցական հոլովով դրուած գոյական անդամի իւրայատկութիւնները, հայցական հոլովի շարահիւսական պաշտօնները:
Միշոյեանի աշխատութեան մեծ մասը նուիրուած էր արեւմտահայ քերականութեան մէջ անհրաժեշտ խորութեամբ չուսումնասիրուած երեւոյթներուն եւ բառարաններու խառնաշփոթ վիճակին:
Սեմինարի աւարտին տեղի ունեցան շահեկան քննարկումներ, որոնց լոյսին տակ շեշտուեցաւ բնագրային հսկայ նիւթի հաւաքման աշխատանքի կարեւորութիւնը եւ բարբառներու հետ համեմատականի կատարումը. բան մը, որ ցարդ չկայ արեւմտահայերէնի պարագային:
Սոնա Կոստանտի Սիմոնյան «Հարադրավոր բայերը ժամանակակից հայերենում և անգլերենում
(զուգադրական քննություն)»Սոնա Կոստանտի Սիմոնյան «Հարադրավոր բայերը ժամանակակից հայերենում և անգլերենում...
Սվետլանա Սերյոժայի Բարսեղյան «Հայերեն-ռուսերեն երկլեզվակրի լեզվամշակութային բնութագրերը»
(թեկնածուական ատենախոսություն) Ժ.02.04 «Սլավոնական լեզուներ»(ռուսաց լեզու)
27.01.2026, ժ.15...
