2007թ.
2007թ. հունվարի 1-ից ՀՀ ԳԱԱ Հ.Աճառյանի անվան լեզվի ինստիտուտի տնօրենի հրամանով հաստատվում է ինստիտուտի կազմը. աշխատակիցների ընդհանուր թիվը` 68:
Հունվարի 23- Տեղի է ունենում ՀՀ ԳԱԱ Հ.Աճառյանի անվան լեզվի ինստիտուտի գիտական անձնակազմի ժողով` ինստիտուտի գիտական խորհրդի կազմ ընտրելու համար: Քվեարկության արդյունքներով ինստիտուտի գիտական խորհուրդը հաստատվում է հետևյալ կազմով` Հովհաննիսյան Լ.Շ. (տնօրեն), Հովհաննիսյան Ն.Գ. (փոխտնօրեն- գիտական քարտուղար), Աղաբեկյան Մ.Ա., Ասլանյան Ս.Ա., Եզեկյան Լ.Կ.( ԵՊՀ, ամբիոնի վարիչ), Թելյան Լ.Գ. (ԵՊՀ, դոցենտ), Թոխմախյան Ռ.Մ. ( Ռուս-հայկական համալսարան, դոցենտ), Թոսունյան Գ.Բ., Համբարձումյան Վ.Գ., Հայրապետյան Ֆ. Փ., Հանեյան Ա.Ն., Հովսեփյան Լ.Ս. (ԵՊՀ, ամբիոնի վարիչ), Մանուկյան Ա.Խ., Պապիկյան Ս.Վ., Սարգսյան Ա.Ե., Սարգսյան Ն.Ժ, Սիմոնյան Ն.Մ., Ուռուտյան Ռ. Լ.:
Ապրիլի 3-4-Տեղի է ունենում «Ջահուկյանական ընթերցումներ» երկրորդ հանրապետական գիտական նստաշրջանը: Զեկուցումները հրատարակվում են «Ջահուկյանական ընթերցումներ» գրքում (Երևան, 2007):
Ինստիտուտի` «Հայոց լեզու» մասնագիտությամբ ասպիրանտուրա է ընդունվում երկու հոգի:
Օգոստոսի 19-21- Ինստիտուտի գիտաշխատակիցներից մասնակցում են Հայերենի լեզվաբանական կորպուսի` Գորիսում կազմակերպած միջազգային գիտաժողով- սեմինարին:
2007թ. սեպտեմբերի 1-ից ԿԳ նախարարության կողմից դադարեցվում է 0744 թեմատիկ խմբի ֆինանսավորումը խմբի ղեկավար Գ.Բ.Թոսունյանի` Երուսաղեմ երկարատև աշխատանքի մեկնելու կապակցությամբ:
Թեմատիկ խմբի աշխատակիցները ինստիտուտի տնտեսված գումարների հաշվին պահպանում են իրենց աշխատանքային տեղերը:
2008թ.
Հունվարի 1-ից ՀՀ ԳԱԱ Հ.Աճառյանի անվան լեզվի ինստիտուտի տնօրենի հրամանով հաստատվում են ինստիտուտի 4 բաժինները`ժամանակակից հայերենի կառուցվածքի և գործառության ուսումնասիրության (բաժնի վարիչ` Ն.Ժ. Սարգսյան), հայերենի պատմական զարգացման (բաժնի վարիչ` Վ.Գ.Համբարձումյան), հայերենի բարբառագիտական ատլաս (բաժնի վարիչ` Ա.Ե.Սարգսյան), կիրառական լեզվաբանության (բաժնի վարիչ` Ա.Խ.Մանուկյան), և 3 թեմատիկ խմբերը. աշխատակիցների ընդհանուր թիվը` 69:
Ինստիտուտի գիտաշխատակիցներից մասնակցում են Բեյրութում (Լիբանան) կազմակերպված «Կիլիկյան մշակույթը» միջազգային գիտաժողովին:
Մարտի 27-Ինստիտուտի գիտաշխատակիցներից մասնակցում են Համազգային հայ կրթական և մշակութային միության Երևանի պետական համալսարանում հրավիրված միջազգային գիտաժողովին:
Մայիսի 7-8-Աշխատանքն է ծավալում «Ջահուկյանական ընթերցումներ» երրորդ հանրապետական գիտական նստաշրջանը: Զեկուցումները հրատարակվում են «Ջահուկյանական ընթերցումներ» գրքում (Երևան, 2008):
Օգոստոսի 15-18-Ինստիտուտի գիտաշխատակիցներից մասնակցում են Ստեփանակերտում (Արցախ) կազմակերպված «Հայոց լեզվի պատմության հարցեր» հայերենագիտական միջազգային 8-րդ գիտաժողովին:
Նոյեմբերի 10-11-Ինստիտուտի գիտաշխատակիցներից մասնակցում են Սպահանում (Իրանի Իսլամական Հանրապետություն) կազմակերպված հայերենագիտական և իրանագիտական միջազգային առաջին գիտաժողովին:
Ա.Սարգսյանն արժանանում է Թեքեյան մշակութային միության «Վահան Թեքեյան» մրցանակի:
2009թ.
Մարտի 17- Հրավիրվում է ՀՀ ԳԱԱ Հ.Աճառյանի անվան լեզվի ինստիտուտի գիտական անձնակազմի ժողով` ինստիտուտի տնօրեն Լ. Հովհաննիսյանի 65-ամյակը լրանալու կապակցությամբ նրա պաշտոնավարելու ժամկետի հարցը քննարկելու համար:
Գիտական անձնակազմը միաձայն որոշում է` Լավրենտի Հովհաննիսյանը պետք է պաշտոնավարի մինչև իր ընտրության ժամկետի ավարտը, և միջնորդությամբ դիմում է ՀՀԳ բաժանմունքին և ԳԱԱ նախագահությանը` ընդառաջելու ինստիտուտի առաջարկությանը:
Ապրիլի 28-29- Կայանում է «Ջահուկյանական ընթերցումներ» չորրորդ հանրապետական գիտական նստաշրջանը: Զեկուցումները հրատարակվում են «Ջահուկյանական ընթերցումներ» գրքում (Երևան, 2009):
Ինստիտուտի` «Հայոց լեզու» մասնագիտությամբ ասպիրանտուրա է ընդունվում մեկ հոգի:
Ինստիտուտի գիտաշխատակիցներից մասնակցում են «Գիտելիք և խորհըրդանիշ, հավատալիք և սովորույթ» միջազգային չորրորդ գիտաժողովին:
Ա.Սարգսյանի «Հայոց լեզվի բարբառային ատլասը» աշխատությունը ճանաչվում է տարվա լավագույն լեզվաբանական հետազոտություն և արժանանում է ՀՀ ԿԳՆ հավաստագրի:
2010 թ.
հունվարի 1-ից ՀՀ ԳԱԱ Հ.Աճառյանի անվան լեզվի ինստիտուտի տնօրենի հրամանով հաստատվում են ինստիտուտի 4 բաժինները` ժամանակակից հայերենի կառուցվածքի և գործառության ուսումնասիրության (բաժնի վարիչ՝ Ն.Ժ. Սարգսյան), հայերենի պատմական զարգացման (բաժնի վարիչ՝ Վ.Գ.Համբարձումյան), հայերենի բարբառագիտական ատլաս (բաժնի վարիչ՝ Ա.Ե.Սարգսյան), կիրառական լեզվաբանության (բաժնի վարիչ՝ Ա.Խ.Մանուկյան), և 3 թեմատիկ խմբերը. աշխատակիցների ընդհանուր թիվը` 68:
Մարտ- Հաշվի առնելով փետրվարի 23-ից մարտի 5-ը անցկացված հերթական ատեստավորման արդյունքները` ինստիտուտի ատեստավորված գիտաշխատողները հաստատվում են իրենց պաշտոններում:
Մայիսի 6-7- Աշխատանքն է ծավալում «Ջահուկյանական ընթերցումներ» հինգերորդ հանրապետական գիտական նստաշրջանը: Զեկուցումները հրատարակվում են «Ջահուկյանական ընթերցումներ» գրքում (Երևան, 2010):
Մայիսի 30- Ի կատարումն ՀՀ ԳԱԱ նախագահ Ռ. Մարտիրոսյանի թիվ 25 12.05.2010թ. հրամանի` ԳԱԱ Հ.Աճառյանի անվան լեզվի ինստիտուտում ձևավորվում է երիտասարդ լեզվաբանների խորհուրդ, և բ.գ.թ. Տիգրան Սիրունյանը նշանակվում է խորհըրդի նախագահ:
Ինստիտուտի` «Հայոց լեզու» մասնագիտությամբ ասպիրանտուրա է ընդունվում մեկ, «Ընդհանուր և կիրառական լեզվաբանություն» մասնագիտությամբ` երկու հոգի:
2011թ.
Հունվարի 1-ից ՀՀ ԳԱԱ Հ.Աճառյանի անվան լեզվի ինստիտուտի տնօրենի հրամանով հաստատվում են ինստիտուտի` բազային ֆինանսավորմամբ չորս թեմաները` ժամանակակից արևելահայերենի և արևմտահայերենի հիմնահարցեր (բաժնի վարիչ՝ Ն.Ժ.Սարգսյան), տարբերակայնության դրսևորումները հայերենի զարգացման տարբեր փուլերում (բաժնի վարիչ՝ Վ.Գ.Համբարձումյան), հայ բարբառագիտություն. պատմական և համաժամանակյա քննություն (բաժնի վարիչ՝ Ա.Ե. Սարգսյան), կիրառական լեզվաբանության (բաժնի վարիչ՝ Ա.Խ.Մանուկյան). աշխատակիցների ընդհանուր թիվը` 63:
Ապրիլի 27- Աշխատանքն է սկսում «Ջահուկյանական ընթերցումներ» վեցերորդ հանրապետական գիտական նստաշրջանը: Զեկուցումները հրատարակվում են «Ջահուկյանական ընթերցումներ» գրքում (Երևան, 2011):
Մայիսի 18- Ինստիտուտի գիտաշխատակիցներից մասնակցում են Իրանի Իսլամական Հանրապետության դեսպանատան և մշակույթի կենտրոնի կազմակերպված հայերենագիտական և իրանագիտական միջազգային առաջին գիտաժողովին:
Հուլիսի 7- Մեկնարկում է երիտասարդ լեզվաբանների հանրապետական գիտաժողովը: Զեկուցումները հրատարակվում են «Երիտասարդ լեզվաբանների հանրապետական առաջին գիտաժողովի նյութեր» գրքում (Երևան, 2011):
Հոկտեմբերի 3- ՀՀ ԳԱԱ նախագահության ՊՈԱԿ 26.09.2011թ. թիվ 158-ա հրամանով ՀՀ ԳԱԱ թղթակից անդամ Լ.Հովհաննիսյանն ազատվում է ՀՀ ԳԱԱ Հ.Աճառյանի անվան լեզվի ինստիտուտի տնօրենի պաշտոնից պաշտոնավարման ժամկետը ավարտվելու կապակցությամբ, նույն հրամանով ՀՀ ԳԱԱ Հ.Աճառյանի անվան լեզվի ինստիտուտի տնօրենի պարտականությունները դրվում են ինստիտուտի փոխտնօրեն Ն. Հովհաննիսյանի վրա:
Հոկտեմբերի 12- Տեղի է ունենում ՀՀ ԳԱԱ Հ.Աճառյանի անվան լեզվի ինստիտուտի գիտական անձնակազմի ժողով` ինստիտուտի տնօրենի թափուր պաշտոնի համար հայտարարված մրցույթին մասնակցելու համար թեկնածություն առաջադրելու համար:
Գիտական անձնակազմը որոշում է առաջադրել Վազգեն Գուրգենի Համբարձումյանի թեկնածությունը` ինստիտուտի տնօրենի առաջիկա ընտրությունների համար:
Նոյեմբերի 23-ՀՀ ԳԱԱ նախագահության 2011թ. նոյեմբերի 23-ի թիվ 199-ա հրամանով Վ.Գ. Համբարձումյանը նշանակվում է ՀՀ ԳԱԱ Հ.Աճառյանի անվան լեզվի ինստիտուտի տնօրեն:
Նոյեմբերի 30- Տեղի է ունենում ՀՀ ԳԱԱ Հ.Աճառյանի անվան լեզվի ինստիտուտի գիտական անձնակազմի ժողով` ինստիտուտի գիտական խորհրդի կազմ ընտրելու համար: Քվեարկության արդյունքներով ինստիտուտի գիտական խորհուրդը հաստատվում է հետևյալ կազմով` բ.գ.թ. Աղաբեկյան Մ.Ա. (ավագ գիտաշխատակից), բ.գ.թ. Գալըստյան Ա.Ս. (ավագ գիտաշխատակից), Եզեկյան Լ.Կ. (ԵՊՀ ամբիոնի վարիչ), Թելյան Լ.Գ. (ԵՊՀ, դոցենտ), Թոխմախյան Ռ.Մ. (ԵՊԼՀ, դոցենտ), բ.գ.դ Համբարձումյան Վ.Գ. (տնօրեն), բ.գ.դ. Հովհաննիսյան Լ.Շ. (առաջատար գիտաշխատակից), բ.գ.թ. Հովհաննիսյան Ն.Գ. (փոխտնօրեն-գիտական քարտուղար), բ.գ.դ. Հովսեփյան Լ.Ս. (ԵՊՀ ամբիոնի վարիչ), տ.գ.թ. Մանուկյան Ա.Խ. (բաժնի վարիչ), բ.գ.թ. Միքայելյան Ժ.Ա. (բաժնի վարիչի տեղակալ), բ.գ.թ. Մխիթարյան Գ.Մ. (ավագ գիտաշխատակից), բ.գ.թ. Պապիկյան Ս.Վ. (բաժնի վարիչի տեղակալ), Սարգսյան Ա.Ե. (ՀՊՄՀ պրոֆեսոր), բ.գ.թ. Սարգսյան Ն.Ժ. (բաժնի վարիչ), բ.գ.թ. Սիմոնյան Ն.Մ. (բաժնի վարիչի տեղակալ), բ.գ.թ. Սիրունյան Տ.Ղ. (գիտաշխատակից, երիտասարդ գիտնականների խորհրդի նախագահ), տ.գ.թ. Ուռուտյան Ռ.Լ. (առաջատար գիտաշխատակից):
Կայանում է ինստիտուտի գիտաշխատակից Ռ.Մ.Թոխմախյանի «Հայերենի հնչաշղթան» դոկտորական ատենախոսության պաշտպանությունը:
Լ. Հովհաննիսյանը պարգևատրվում է Մովսես Խորենացու մեդալով:
Ա.Սարգսյանն արժանանում է Հայրենիքին մատուցած ծառայությունների համար I-ին աստիճանի շքանշանի և Կրթության և գիտության նախարարության ոսկե հուշամեդալի:
2012թ.
Հունվարի 1-ից ՀՀ ԳԱԱ Հ.Աճառյանի անվան լեզվի ինստիտուտի տնօրենի հրամանով հաստատվում են ինստիտուտի` բազային ֆինանսավորմամբ չորս թեմաները` ժամանակակից արևելահայերենի և արևմտահայերենի հիմնահարցեր (բաժնի վարիչ` Ն.Ժ.Սարգսյան), տարբերակայնության դրսևորումները հայերենի զարգացման տարբեր փուլերում (բաժնի վարիչ` Վ.Գ.Համբարձումյան), հայ բարբառագիտություն. պատմական և համաժամանակյա քննություն (բաժնի վարիչ` Ա.Ե. Սարգսյան), կիրառական լեզվաբանության (բաժնի վարիչ` Ա.Խ. Մանուկյան). աշխատակիցների ընդհանուր թիվը` 63:
Փետրվարի 1-Սկսում է ինստիտուտի աշխատակիցներին գործնական անգլերեն դասավանդելու դասընթացը:
Հունիսի 7-11- Տեղի է ունենում «Ջահուկյանական ընթերցումներ» յոթերորդ հանրապետական գիտական նստաշրջանը: Զեկուցումները հրատարակվում են «Ջահուկյանական ընթերցումներ» գրքում (Երևան, 2012):
Հունիսի 14Մեկնարկում է Երիտասարդ լեզվաբանների հանրապետական երկրորդ գիտաժողովը: Զեկուցումները հրատարակվում են «Երիտասարդ լեզվաբանների հանրապետական երկրորդ գիտաժողովի նյութեր» գրքում (Երևան, 2012):
Ինստիտուտի` «Համեմատական և տիպաբանական լեզվաբանություն» ասպիրանտուրա է ընդունվում երկու հոգի:
Նոյեմբերի 1- ՀՀ ԳԱԱ Հ.Աճառյանի անվան լեզվի ինստիտուտի տնօրեն Վ.Գ.Համբարձումյանի լիազորությունները դադարեցվում են ծննդյան 65-ամյակը լրանալու կապակցությամբ՝ համաձայն ՊՈԱԿ-ի մասին օրենքի 6-րդ կետի դ ենթակետի:
ՀՀ ԳԱԱ նախագահության ՊՈԱԿ 26-1102012թ. թիվ 24-ա հրամանով Վ.Գ. Համբարձումյանը նշանակվում է ինստիտուտի տնօրենի ժամանակավոր պաշտոնակատար մինչև մրցույթով ընտրված նոր տնօրենի նշանակումը:
Նոյեմբերի 3-4-Ինստիտուտի գիտաշխատակիցներից մասնակցում են Արցախի Մ.Մաշտոց համալսարանի գործունեության 15-ամյակին նվիրված միջազգային գիտաժողովին:
Նոյեմբերի 7-9-Ինստիտուտի գիտաշխատակիցներից մասնակցում են Սանկտ Պետերբուրգում կազմակերպված Հայ լեզվաբանության 9-րդ միջազգային գիտաժողովին:
Դեկտեմբերի 20- Տեղի է ունենում ՀՀ ԳԱԱ Հ.Աճառյանի անվան լեզվի ինստիտուտի գիտական անձնակազմի ժողով` ինստիտուտի տնօրենի թափուր պաշտոնի համար առաջադրված թեկնածությունը քննարկելու համար:
Գիտական անձնակազմը որոշում է պաշտպանել ՀՀ ԳԱԱ ՀՀԳ բաժանմունքի բյուրոյի՝ Հ. Աճառյանի անվան լեզվի ինստիտուտի տնօրենի թափուր տեղի համար առաջադրած Վ.Լ.Կատվալյանի թեկնածությունը:
Դեկտեմբերի 26-ՀՀ ԳԱԱ նախագահության 2012թ. դեկտեմբերի 26-ի թիվ 255-ա հրամանով և ՀՀ ԳԱԱ նախագահության 26.12.2012թ. թիվ 14/1692/ որոշմամբ Վ.Լ.Կատվալյանը նշանակվում է ՀՀ ԳԱԱ Հ.Աճառյանի անվան լեզվի ինստիտուտի տնօրեն:
Վ.Համբարձումյանը պարգևատրվում է Ազգային ժողովի Պատվո մեդալով:
