ՀՀ ԳԱԱ Հ. Աճառյանի անվան լեզվի ինստիտուտը հայտարարում է 2026-2027 ուսումնական տարվա առկա ասպրանտուրայի ընդունելություն՝
«Հայոց լեզու» (Ժ.02.01) և «Ընդհանուր և համեմատական լեզվաբանություն» (Ժ.02.02) մասնագիտություններով:
Մրցութային կարգով ասպիրանտուրա կարող են ընդունվել ՀՀ այն քաղաքացիները, որոնք ունեն մագիստրոսի կամ...
1956-1960 թթ.
1956թ.
Գուրգեն Սևակը ընտրվում է ՀՍՍՀ ԳԱ թղթակից անդամ, 1971 թ.՝ ակադեմիկոս
1957թ.
Ինստիտուտը ձեռնարկում է ժամանակակից հայոց լեզվի քարտարան կազմելու գործը:
Հայկ. ՍՍՌ ԳԱ լեզվի ինստիտուտի 1956-57 թթ. գործունեության մասին զեկուցումից.
(ՀԱԱ, ֆ. 1085, ց, 5, գ. 90)
Քաղվածք
ՀՍՍՌ Մինիստրների Սովետին առընթեր Տերմինաբանական կոմիտեի 1957 թ. դեկտեմբերի 12-ի նո. 6 արձանագրությունից կետ 4.
Գիտության տարբեր ճյուղերի զարգացումը հրամայական պահանջ է առաջադրում մշակել հայերեն լեզվով տերմինաբանություն՝ բոլոր մասնագիտությունների գծով: Այդ նպատակը իրականացնելու համար խնդրել Հայկ. ՍՍՌ ԳԱ նախագահությանը՝ լեզվի ինստիտուտի կազմում ստեղծել տերմինաբանական սեկտոր կամ խումբ:
29/1-58 Տերմինաբանական կոմիտեի գիտքարտուղար (Հ. Բարսեղյան)
(ՀԱԱ, ֆ. 766, ց. 7, գ. 1020)
1958թ.
ՀՍՍՀ ԳԱ պրեզիդենտ ակադ. Վ. Համբարձումյանը պաշտոնական նամակով դիմում է ՀԿՊ կենտկոմի քարտուղար Ս. Հ. Թովմասյանին, որտեղ նա ներկայացնում է Հայկ. ՍՍՌ ԳԱ նախագահության 1958 թ. հունվարի 22-ի նո. 4(349) արձանագրության քաղվածքը՝ Հայկ. ՍՍՌ ԳԱ լեզվի ինստիտուտը առաջին կարգի փոխադրելու մասին առաջարկը:
1959թ.
Սեպտեմբերի 4-ի գիտխորհրդի նիստի արձանագրությունից տեղեկանում ենք, որ Ս. Իսրայելյանը հուլիս ամսին գործուղվել է Լեռնային Ղարաբաղ, Ստեփանակերտում և շրջակա գյուղերում հավաքել է 20-25 հեքիաթ, առածներ, բառեր, հանելուկներ, թևավոր խոսքեր, աֆորիզմներ:
Վ. Պետոյանը գործուղման ընթացքում հարուստ նյութեր է հավաքել Սասունի բարբառի 10 խոսվածքներից (50 տեքստ, 207 հանելուկ, առած և շուտասելուկ);
Կ. Դավթյանը Շամշադինի 15 գյուղերից հավաքել է բարբառային նյութեր, գրի է առել հանելուկներ, շուտասելուկներ և առակներ:
Հ. Մուրադյանը գործուղման ընթացքում ուսումնասիրել է Մեղրու շրջանի 4 գյուղերի խոսվածքները և <<Գիքոր>> առաջին մասը վերածել է այդ խոսվածքների:
Ա. Պողոսյանը մեկ ամսով գործուղվել է Լեռնային Ղարաբաղի Հադրութի շրջան, շրջել է 18 գյուղեր, դրանցից միայն 6-ի մեջ են եղել տարբերություններ:
Ա. Գրիգորյանը մեկ ամսով գործուղվել է Դոնի Ռոստով՝ Նոր Նախիջևանի բարբառի խոսվածքներից նմուշներ հավաքելու:
Գիտխորհուրդը որոշում է վերցնել Դոնի Ռոստովի հայության որոշ շրջանների հայ գրականություն մատակարարելու շեֆությունը և շնորհակալություն հայտնել Նոր Նախիջևանի շրջանի գործադիր կոմիտեին և շրջկոմին՝ գործուղված գիտական արշավախմբին համապատասխան օգնություն և աջակցություն ցույց տալու համար:
Սեպտեմբերին կազմակերպվում է բարբառագիտության սեկտորը՝ հայոց լեզվի պատմության և բարբառագիտության սեկտորի բազայի վրա: (ՀԱԱ, ֆ. 1085, ց. 5, գ. 100, թ. 25)
Ա. Սուքիասյանը գործուղվել է Լենինգրադ և մասնակցել է բառարանագրական խորհրդի կոորդինացիոն նիստին:
Կրտսեր գիտաշխատող, բ.գ.թ. Ա. Սուքիասյանի հաշվետվությունից (ՀԱԱ, ֆ. 1085, ց. 5, գ. 100)
1960թ.
Ինստիտուտն ունի 4 բաժին (սեկտոր), որոնք են՝ ժամանակակից հայոց լեզվի, հայոց լեզվի պատմության և բարբառագիտության, բառարանագրության, հայոց լեզվի քարտարանի:
Բառարանագրության սեկտորի հաշվետվության մեջ նշվում է, որ 1960թ. ավարտված են Ա. Սուքիասյանի ,,Հայոց լեզվի հոմանիշների բառարանի,, և Հ. Պետրոսյանի, Ս. Գալստյանի և Թ. Ղարագյուլյանի ,,Լեզվաբանական տերմինների բառարանի,, կազմման աշխատանքները:
Սեպտեմբեր- Գ. Գասպարյանը և Ս. Ա. Գալստյանը 10 օրով գործուղվում են Ֆրունզե՝ բացատրական բառարանների վերաբերյալ համամիութենական կոորդինացիոն խորհրդակցությանը մասնակցելու համար:
Վերջին նորություններ
Հայտարարություններ
Ատենախոսություններ
Թեկնածուական ատենախոսություն, Էդիտա Ռոբերտի Ալթունյան
Էդիտա Ռոբերտի Ալթունյան «Տարածաժամանակային հարաբերությունների արտահայտությունը
Ղարաբաղի բարբառում»
(թեկնածուական...
Դոկտորական ատենախոսություն Մհեր Սուրենի Քումունց
Մհեր Սուրենի Քումունց «Արցախ-Սյունիքի բարբառային բառապաշարը»
(դոկտորական) Ժ.02.01 «Հայոց լեզու»
06.03.2026, ժ.15-ին
...
Education - This is a contributing Drupal Theme
Design by WeebPal.
Design by WeebPal.