2014թ. մայիսի 29-ին Հ. Աճառյանի անվան լեզվի ինստիտուտում հյուրընկալվեցին հայտնի հայագետ-գերմանագետ, Կանադայի ՄաքԳիլ համալսարանի պրոֆեսոր Դորա Սաքայանը և եգիպտահայ ճանաչված մտավորական, հասարակական գործիչ Պերճ Թերզյանը: Դ. Սաքայանը հայտնի է ինչպես իր գիտական աշխատություններով, հատկապես՝ արևմտահայերենի և արևելահայերենի՝ օտարախոսների համար ինքնուսույցներով, այնպես էլ ակադեմիկոս Գ. Ջահուկյանի <<Универсальная теория языка>> մենագրության անգլերեն թարգմանությամբ: Պերճ Թերզյանը ՀԲԸՄ Եգիպտոսի շրջանակային հանձնաժողովի ատենապետն է,ՀԲԸՄ-ի արաբատառ «Արեգ» ամսօրյայի հայկական նյութերի խորհրդատու: Հեղինակ է մենագրությունների և բազմաթիվ հոդվածների, որոնցում անդրադարձել է հայությանը հուզող տարաբնույթ հարցերի: Հայապահպանությանը միտված նրա արգասաբեր գործունեությունը բարձր է գնահատվել Հայաստանի Հանրապետության գիտական հանրության և իշխանությունների կողմից:
Արևմտահայերենի բաժնի վարիչ, ԳԱԱ թղթակից անդամ Ա.Սարգսյանը հյուրերին ներկայացրեց իրենց բաժնում կատարվող աշխատանքների հիմնական ուղղությունները և ծրագրերը: Հյուրերը իրենց գոհունակությունը հայտնեցին բաժնի գործունեության վերաբերյալ և նշեցին, որ պատրաստակամ են լեզվի ինստիտուտին աջակցել արևմտահայերենի պահպանմանը, ուսումնասիրությանը և զարգացմանը միտված ձեռնարկներում:
Դ.Սաքայանը և Պ.Թերզյանը զեկուցումներով հանդես են գալու <<Ջահուկյանական ընթերցումներ>> միջազգային գիտաժողովում:
Ավագ գիտաշխատող` Սուսաննա Տիոյան
Դոկտորական ատենախոսություն Մհեր Սուրենի Քումունց
Մհեր Սուրենի Քումունց «Արցախ-Սյունիքի բարբառային բառապաշարը»
(դոկտորական) Ժ.02.01 «Հայոց լեզու»
06.03.2026, ժ.15-ին
...
Սոնա Կոստանտի Սիմոնյան «Հարադրավոր բայերը ժամանակակից հայերենում և անգլերենում
(զուգադրական քննություն)»Սոնա Կոստանտի Սիմոնյան «Հարադրավոր բայերը ժամանակակից հայերենում և անգլերենում...
