2014թ. փետրվարի 12-ին Հ. Աճառյանի անվան լեզվի ինստիտուտում տեղի ունեցավ գիտխորհրդի ընդլայնված նիստ՝ նվիրված ՀՀ ԳԱԱ թղթակից անդամ Լավրենտի Շահենի Հովհաննիսյանի 70-ամյակին:
Ուենալով գիտական հետաքրքրությունների լայն ու բազմակողմանի շրջանակ՝ Լ. Հովհաննիսյանն անդրադարձել է հայագիտության տարբեր հիմնախնդիրներին: Նրա գրչին են պատկանում ավելի քան 100 գիտական աշխատություններ. ավելի քան 80 գիտական հոդվածներ, 2 տասնյակի հասնող մենագրական հետազոտություններ: Դրանք վերաբերում են գրաբարի ժամանակային ձևերի կիրառական առանձնահատկություններին, գրաբարի և Ղարաբաղի բարբառի առնչություններին, հայերենի իրանական փոխառությունների տարբերակման և գործառական առանձնահատկություններին, գրաբարի բառապաշարի իմաստային տարբեր խմբերի մեկնություններին, բառաքննական դիտարկումներին ու ստուգաբանական նկատառումներին, գրաբարի բառարանագրության և բառագիտության հարցերին:
Պրոֆ. Հովհաննիսյանի նախաձեռնությամբ էլ 2006թ. գումարվեց <<Ջահուկյանական ընթերցումներ>> հանրապետական անդրանիկ գիտական նստաշրջանը:
Լ. Հովհաննիսյանը հայոց լեզվի պատմության առաջատարներից է և գիտական յուրաքանչյուր խնդրի քննարկման կենտրոնական դեմքերից: Հանրապետական և միջազգային բազմաթիվ գիտաժողովներում կարդացած նրա զեկուցումները մեծ հետաքրքրություն են առաջացնում և բացահայտում հայերենագիտության տվայլ բնագավառի վիճահարույց շատ հարցեր ու առաջադրում նոր խնդիրներ:
Գիտական վաստակի արժանի գնահատականն է նրան ՀՀ ԳԱԱ թղթակից անդամ ընտրելը, ԳԱԱ Վաստակագրի արժանանալը, Մ. Խորենացու և Սփյուռքի նախարարության Մայրենիի դեսպան մեդալներով պարգևատրելը:
Մեծ է նաև պրոֆ. Հովհաննիսյանի երախտիքը գիտական կադրեր պատրաստելու գործում:
Որպես լեզվի ինստիտուտի ատենախոսության պաշտպանության մասնագիտական խորհրդի նախագահ նա նպաստում է ոչ միայն հայ, այլև օտարազգի գիտնականների ատենախոսությունների պաշտպանությանը:
Ի սրտե շնորհավում ենք վաստակաշատ հայագետին 70-ամյա հոբելյանի կապակցությամբ, ցանկանում արևշատություն, նորանոր հաջողություններ և բեղուն ստեղծագործական աշխատանք , ազգանվեր նորանոր իրագործումներ:
Թեկնածուական ատենախոսություն, Էդիտա Ռոբերտի Ալթունյան
Էդիտա Ռոբերտի Ալթունյան «Տարածաժամանակային հարաբերությունների արտահայտությունը
Ղարաբաղի բարբառում»
(թեկնածուական...
Դոկտորական ատենախոսություն Մհեր Սուրենի Քումունց
Մհեր Սուրենի Քումունց «Արցախ-Սյունիքի բարբառային բառապաշարը»
(դոկտորական) Ժ.02.01 «Հայոց լեզու»
06.03.2026, ժ.15-ին
...
