«Հոգեբանական վերնիսաժ» էքսպո-2026

        2026 թ․ ապրիլի 23-ին Հ․Աճառյանի անվ. լեզվի ինստիտուտի կիրառական լեզվաբանության բաժնի նյարդահոգելեզվաբանության լաբորատորիան մասնակցեց «Հոգեբանական վերնիսաժ» էքսպո-2026- ն:

       Լաբորատորիան ներկայացրեց զգացողությանը, մտածողությանը և խոսքին վերաբերող գիտական և փորձարարական հանրամատչելի աշխատանքներ:

       Լաբորատորիայի այս տարի ներկայացվող նախագիծը կոչվում էր «Զգացողությունից մինչև խոսող գիտակցություն»։ Աշխատանքներն ուղեկցվում էին նախագծի համանուն մուլտֆիլմով, որը ստեղծել էր լաբորատորիան։ Այն ներկայացնում էր, թե ինչպես են ապրումները ձևավորում անհատին։

Միջոցառումը հնարավորություն տվեց փորձարարական հանրամատչելի ձևաչափով ներկայացնելու հետազոտական մեթոդները և ոլորտը հասանելի դարձնելու հանրության ևս մի հատվածի։