Արևմտահայերենը 21-րդ դարում. Մարտահրավերներ և հնարավորություններ

     Սույն թվականի նոյեմբերի 7-8-ին ՀՀ ԳԱԱ Հ․ Աճառյանի անվան լեզվի ինստիտուտի արևմտահայերենի բաժինը ՀՀ ԳԱԱ հայագիտության և հասարակական գիտությունների բաժանմունքի, ԵՊՀ հայոց լեզվի ամբիոնի և Խ.Աբովյանի անվան հայկական պետական մանկավարժական համալսարանի բանասիրական ֆակուլտետի հետ համագործակցությամբ կազմակերպեց «Արևմտահայերենը 21-րդ դարում. Մարտահրավերներ և հնարավորություններ» խորագրով միջազգային գիտաժողով։

      Ողջույնի խոսքով հանդես եկավ ՀՀ ԳԱԱ հայագիտության և հասարակական գիտությունների բաժանմունքի ակադեմիկոս-քարտուղար Յու․ Սուվարյանը։ Բացման խոսքով հանդես եկավ ՀՀ ԳԱԱ Հ․ Աճառյանի անվան լեզվի ինստիտուտի տնօրեն բ․գ․դ․ Վ․ Կատվալյանը։ Ելույթներով հանդես եկան ՀՀ ԳԱԱ Հ․ Աճառյանի անվան լեզվի ինստիտուտի արևմտահայերենի բաժնի վարիչ բ․գ․թ․, դոցենտ Ս․ Տիոյանը և ՀՊՄՀ հայ նոր եւ նորագույն գրականության եւ նրա դասավանդման մեթոդիկայի ամբիոնի վարիչ բ.գ.դ., պրոֆեսոր Ս. Դանիելյանը։

       Հնչեցին զեկուցումներ առկա և առցանց  ձևաչափով։ Մասնակիցները զեկուցումներով հանդես եկան ինչպես Հայաստանի Հանրապետությունից, այնպես էլ ԱՄՆ-ից, Կանադայից, Կիպրոսից և Լիբանանից։

         Ներկայացված նյութերի, ծավալված քննարկումների արդյունքում հնչեցին գործնական մի շարք առաջարկներ, որոնք նպաստելու են արևմտահայերենի զարգացմանը։