Կիրառական լեզվաբանության բաժնի երրորդ կլոր սեղան-քննարկումը

       Ս. թ. հունիսի 17-ին ՀՀ ԳԱԱ լեզվի ինստիտուտի կիրառական լեզվաբանության բաժնի փորձառական հնչյունաբանության լաբորատորիայում տեղի ունեցավ կլոր սեղան-քննարկումների շարքի երրորդ նիստը:

     Կիրառական լեզվաբանության բաժինը մասնագիտական քննարկման էր հրավիրել լեզվի ինստիտուտի բառարանագրության բաժնի գիտաշխատողներին:

      Նիստում քննարկվեցին երկու բաժինների միջև գործակցության հնարավորությունները: Նիստն ամփոփվեց երկու բաժինների միջև ապագա համատեղ աշխատանքների գաղափարով, լեզվի իմացության մակարդակի բարձրացմանն ուղղված հանրամատչելի նյութերի հրապարակման առաջարկով։ Կիրառական լեզվաբանության բաժինը իր պատրաստակամությունը հայտնեց բառարանագրության բաժնին՝ աջակցելու նոր բառեր հավաքելու աշխատանքներում: