Անահիտ Մկրտումյան

          Կյանքի 69-րդ տարում մահացել է ՀՀ ԳԱԱ Հ. Աճառյանի անվան լեզվի ինստիտուտի բարբառագիտության բաժնի աշխատակից Անահիտ Մամիկոնի Մկրտումյանը:

            Ա. Մկրտումյանը ծնվել է 1955 թվականի հուլիսի 21-ին, Լոռու Շամլուղ ավանում: 1972 թվականին ավարտել է Երևանի Ստեփան Զորյանի անվան միջնակարգ դպրոցը և ընդունվել Երևանի պետական համալսարանի բանասիրական ֆակուլտետը, որն ավարտել է 1978 թվականին:

            ՀՀ ԳԱԱ Հ. Աճառյանի անվան լեզվի ինստիտուտի բարբառագիտության բաժնում աշխատել է 1979 թվականից՝ որպես լաբորանտ, ավագ լաբորանտ, գիտաշխատող:  

            Ա. Մկրտումյանը տարիների ընթացքում մեծածավալ աշխատանք է կատարել ըստ Հայերենի բարբառագիտական ատլասի նյութերի հավաքման ծրագրի, գրանցել վերացման վտանգի տակ գտնվող բազմաթիվ բնակավայրերի խոսվածքներ, հեղինակ էր նաև գիտական հոդվածների: Աշխատանքի վերջին շրջանում զբաղվում էր գրանցված խոսվածքների հատկանիշների աղյուսակների կազմմամբ՝ ըստ Գ. Ջահուկյանի մշակած բազմահատկանիշ դասակարգման սկզբունքի:

Ա. Մկրտումյանը շիտակ, ազնիվ և աշխատասեր գործընկեր էր: Նրա հիշատակը միշտ վառ կմնա գործընկերների և նրան ճանաչողների սրտերում:

            Հոգեհանգիստը՝ մայիսի 24-ին, ժամը 18.00-ին, Նուբարաշեն 46 սգո սրահում, հուղարկավորությունը՝ մայիսի 25-ին, ժամը 13.00-ին, նույն տեղից: