Նոր նախաձեռնություն բարբառագիտության բաժնում

14/01/2020

2020 թվականի հունվարի 14-ին բարբառագիտության բաժնի ընթացիկ տարվա անդրանիկ նիստում որոշվեց ձեռնամուխ լինել «Բարբառագիտական բառարան» հիմնարար աշխատության ստեղծմանը:

Եղան մի շարք առաջարկություններ: Վ.Կատվալյանը ներկայացրեց բառարանի կառուցվածքը, բովանդակային առանձնահատկությունները: Նշվեց, որ բառարանում այբբենական կարգով առանձին բառահոդվածներով կներկայացվեն բարբառագիտության ոլորտին վերաբերող նյութեր, կտրվեն բարբառային միավորների, բարբառային հատկանիշների համառոտ բնութագրերը, կնկարագրվեն բարբառագիտական հասկացություններն ու տերմինները, կընդգրկվեն հայ և օտարազգի բարբառագետների գիտական գործունությունը լուսաբանող նյութեր և այլն: Նիստում քննարկվեցին բառարանի կազմման սկզբունքները, աշխատանքային մեթոդները:

Որոշվեց բաժնի հաջորդ՝ փետրվարին կանալիք նիստում ներկայացնել և քննարկել Ա սկզբնատառով բառահոդվածների ցանկը: Բառարանի կազմման, ընդգրկվող նյութերի մշակման հետ կապված հարցերն ու առաջարկները կլսվեն նաև բաժնում կազմակերպվող ամենշաբաթյա քննարկումներում:

Մուտք գործեք մեկնաբանությունների համար

Հայտարարություններ

ԾԱՆՈՒՑՈՒՄ

Ս.թ. հունիսի 12-13-ին կայացած «Ջահուկյանական ընթերցումներ» գիտական նստաշրջանի հարգելի՛ մասնակիցներ, «Ջահուկյանական ընթերցումներ» հանդեսին հոդվածները ներկայացնելու վերջին ժամկետը 2025թ. հուլիսի մեկն է:

Ատենախոսություններ