Ծառատունկ Հավերժության պուրակում

          Երևանից Ապարան տանող ավտոճանապարհի հարակից վայրում` Տառերի պուրակի և Սուրբ խաչի հարևանությամբ գտնվող  Հավերժության պուրակում, ծառատունկ էր, որին մասնակցում էին գիտության, կրթության, սպորտի և մշակույթի ոլորտի ճանաչված բազում ներկայացուցիչներ:

         ԳԱԱ լեզվի ինստիտուտի աշխատակիցները   Հավերժության պուրակում ևս ծառ տնկեցին` ի հիշատակ Հ. Աճառյանի: Ինպես նշեց ինստիտուտի տնօրեն պարոն Կատվալյանը, երևույթը խորհրդանշական է և կարևոր է նախ այն առումով, որ  հարգանքի տուրք ենք մատուցում մեր մեծերին, ցանկանում ենք, որ ծառն  ամուր արմատներ ձգի հայրենի հողում և հավերժ լինի, ինչպես հավերժ է Հ. Աճառյանի գիտական ժառանգությունը: Մյուս կողմից` ծառատունկը Հավերժության պուրակում  բնապահպանական և գեղագիտական նշանակություն ունի. տարածքը ընտրված և ձևավորված է ճաշակով, և այգու հատակագիծը հավերժության նշանի տեսք ունի:

         Լեզվի ինստիտուտը շնորհակալություն է հայտնում նախագիծն իրականացնողներին և միջոցառման կազմակերպիչներին: