Տեղի ունեցավ բարբառագիտության բաժնի հերթական նիստը

22/05/2024

ԼԻ բարբառագիտության բաժնի հերթական նիստը կարևորվեց ևս մեկ հետաքրքիր նախաձեռնությամբ։ Ինստիտուտի տնօրեն և բարբառագիության բաժնի վարիչ Վ.Կատվալյանն առաջարկեց բաժնի աշխատակիցների ողջ ներուժը կենտրոնացնել մի շատ կարևոր թեմայի ուսումնասիրությունն իրականացնելու համար հետևյալ վերտառությամբ՝ «ԲԱՐԲԱՌԱՅԻՆ ԶՈՒԳԱԲԱՆՈՒԹՅՈՒՆՆԵՐԻ ԱՐՏԱՀԱՅՏՈՒԹՅՈՒՆԸ ՀԱՅԵՐԵՆԻ ԲԱՐԲԱՌՆԵՐՈՒՄ» ։

Վերջին մի քանի տասնամյակների ընթացքում բաժնի աշխատակիցների հավաքչական աշխատանքների շնորհիվ բաժնում կուտակվել են հայերենի բարբառների 500-ից ավելի խոսվածքային միավորների նկարագրությանն առնչվող նյութեր, հրապարակի վրա են բարբառագիտական տարբեր խնդիրների նվիրված բազմաթիվ հետազոտություններ, մենագրություններ, առանձնակի կարևորություն են ստանում բարբառային համակարգերին առնչվող ուսումնասիրությունները։ Հենց այդ հուսալի հենքի վրա բաժինը պարտավորվում է առաջիկայում ներկայացնելու խմբային աշխատանք՝ «Արևելյան խմբակցության մեջ ներառվող հարավարևելյան և հյուսիսարևելյան բարբառախմբերը» թեմայով։ Ընդ որում՝ ինստիտուտում պահվող խոսվածքային գրանցումներից 223-ը Արևելյան խմբակցությանը պատկանող խոսվածքների նյութերն են։ Կարելի է ասել, որ ունենք հուսալի շտեմարան ուսումնասիրություն կատարելու համար։

Բարբառագիտության բաժնի ավագ գիտաշխատող
Ջեմմա Բառնասյան

Մուտք գործեք մեկնաբանությունների համար

Հայտարարություններ

Թերապևտիկ բաղադրիչով գիտագործնական թրեյնինգային մոդուլին մասնակցելու հրավեր

ՀՀ ԳԱԱ Հ. Աճառյանի անվան լեզվի ինստիտուտի կիրառական լեզվաբանության բաժնի նյարդահոգելեզվաբանության լաբորատորիան սկսում է 3 հանդիպումից բաղկացած թերապևտիկ բաղադրիչով գիտագործնական թրեյնինգային մոդուլ «Սթրեսից դեպի կայունություն. խոսքը՝ որպես հոգեբանական խնամքի և դիմակայման քայլ (հոգեբանական օգնություն և ուղեցույց)»...

Ատենախոսություններ