Սույն թվականի սեպտեմբերի 12-ին ՀՀ ԳԱԱ Հ.Աճառյանի անվան լեզվի ինստիտուտում հյուրընկալվեց Միլանի պետական համալսարանի բանասիրության և լեզվաբանության ամբիոնի պրոֆեսոր, հայագետ Անդրեա Սկալան: Հանդիպումը անցավ ջերմ բարեկամական մթնոլորտում: Պրոֆ. Ա.Սկալան համառոտ պատմեց ամբիոնում կատարվող հետազոտական ուղղությունների, ինչպես նաև հայագիտությանն առնչվող իր վերջին ուսումնասիրությունների մասին՝ նշելով, որ դրանցում իրենց ուրույն տեղն ունեն հայերենի բարբառներին նվիրված հետազոտությունները: Ինստիտուտի տնօրեն Վ.Կատվալյանը, կարևորելով միջազգային գիտական կապերը, ներկայացրեց ինստիտուտի գիտական գործունեության այն ուղղությունները, որոնց գծով կարելի է համագործակցել: Հանդիպման ավարտին նախնական պայմանավորվածություն ձեռք բերվեց ԳԱԱ Հ.Աճառյանի անվան լեզվի ինստիտուտի և Միլանի պետական համալսարանի բանասիրության և լեզվաբանության ամբիոնի միջև համագործակցություն սկսելու վերաբերյալ:
Սոնա Կոստանտի Սիմոնյան «Հարադրավոր բայերը ժամանակակից հայերենում և անգլերենում
(զուգադրական քննություն)»Սոնա Կոստանտի Սիմոնյան «Հարադրավոր բայերը ժամանակակից հայերենում և անգլերենում...
Սվետլանա Սերյոժայի Բարսեղյան «Հայերեն-ռուսերեն երկլեզվակրի լեզվամշակութային բնութագրերը»
(թեկնածուական ատենախոսություն) Ժ.02.04 «Սլավոնական լեզուներ»(ռուսաց լեզու)
27.01.2026, ժ.15...
