Մայիսի 16-ը Քերովբե Պատկանյանի ծննդյան օրն է

Այսօր մեծանուն արևելագետ, աղբյուրագետ, բանասեր, լեզվաբան, ռուսական ակադեմիայի թղթակից անդամ Ք. Պ. Պատկանյանի ծննդյան օրն է (16.05.1833-14.04.1889): Մեծ է նրա ներդրումը հայ բանասիրության մատենագրական երկերի ռուսերեն թարգմանության և հրատարակման, հատկապես հայոց լեզվի կառուցվածքի և հայ բարբառների ձևաբանական դասակարգման բնագավառում: Խիստ արդիական է նրա «Հետազոտություն հայոց լեզվի բարբառների մասին» ռուսերեն աշխատությունը, այն թարգմանվել է օտար լեզուներով և հայտնի է եղել Եվրոպայում, որի համար, ի դեպ, անվանի հայագետ Հ. Տաշյանը Ք. Պատկանյանին անվանել է «հայ բարբառագիտության հայր»։