Ս. թ. հունիսի 14-ին ՀՀ ԳԱԱ Հ. Աճառյանի անվան լեզվի ինստիտուտում տեղի ունեցավ հերթական սեմինար-զեկուցումը` «Մրցակից լեզվական միտումների դերը լեզվի համաժամանակյա գործառության և տարաժամանակյա փոփոխության մեջ» թեմայով, որը վարում էր ինստիտուտի ընդհանուր և համեմատական լեզվաբանության բաժնի ավագ գիտաշխատող Սարգիս Ավետյանը: Զեկուցողը նշեց, որ մրցակից (հակադիր) լեզվական միտումները, որոնք բոլորն էլ բխում են առավել արդյունավետ հաղորդակցման պահանջից, կարևոր դեր են խաղում լեզվի համաժամանակյա գործառության և տարաժամանակյա փոփոխությունների մեջ: Ընդ որում, միմյանց հակադիր միտումները հաճախ սահմանափակվում և ճնշում են մեկը մյուսի գործողության ազդեցությունները: Ըստ այդմ` նայած, թե որ լեզվում, կամ տվյալ լեզվի տարածաժամանակային որ տարբերակում այդ միտումներից որ մեկն է տիրապետող դառնում, ըստ այդմ էլ պայմանավորված է լինում այս կամ այն լեզվական փոփոխության ուղղվածությունը: Երբեմն էլ տվյալ լեզվական օրինաչափությունը ձևավորվում է ոչ թե մեկ, այլ մի շարք միտումների և գործոնների գործողության արդյունքում:
Հնչեցին հարցեր, ծավալվեց հետաքրքիր և արդյունավետ քննարկում:
Դոկտորական ատենախոսություն Մհեր Սուրենի Քումունց
Մհեր Սուրենի Քումունց «Արցախ-Սյունիքի բարբառային բառապաշարը»
(դոկտորական) Ժ.02.01 «Հայոց լեզու»
06.03.2026, ժ.15-ին
...
Սոնա Կոստանտի Սիմոնյան «Հարադրավոր բայերը ժամանակակից հայերենում և անգլերենում
(զուգադրական քննություն)»Սոնա Կոստանտի Սիմոնյան «Հարադրավոր բայերը ժամանակակից հայերենում և անգլերենում...
