Լեզուների ուսուցման խնդիրները համաշխարհայնացման արդի դարաշրջանում

           Սիրով տեղեկացնում ենք, որ լույս է տեսել «Լեզուների ուսուցման խնդիրները համաշխարհայնացման արդի   դարաշրջանում» կոլեկտիվ մենագրությունը, որը տպագրվել է ՀՀ ԿԳՄՍՆ ԳԿ ֆինանսավորմամբ իրականացվող 20TTSH-063 «Հայերենի դերը և ուսուցման խնդիրները բազմալեզու միջավայրում» գիտական նախագծի շրջանակում:

          Գիրքը նվիրված է լեզուների ուսուցման արդիական խնդիրներին, ներկայացվում են համաշխարհայնացման մարտահրավերներին դիմակայելու ուղիներ և առաջարկներ: Քննվում եմ մայրենի, օտար, երկրորդ և մասնագիտական լեզուների ուսուցման խնդիրները, երկլեզվության և բազմալեզվության հարցը՝ որպես 21-րդ դարի լուրջ հրամայական, վեր են հանվում լեզվաքաղաքականության խնդիրներ, ներկայացվում լեզվի ուսուցման նոր մեթոդներ և միջգիտակարգային եղանակներ: Գիրքը կարող է օգտակար լինել Հայաստանում և արտերկրում ապրող մեր հայրենակիցներին, որոնք կարևորում են հայերենի դերը և ուսուցումը օտարախոս միջավայրում՝ հայապահպանության և հայերենապահպանության նպատակներով, օտարերկրացիներին, որոնք հետաքրքրված են հայերենի ուսուցմամբ և դասավանդումով: