Կայացավ «Ջահուկյանական ընթերցումներ» գիտական հերթական նստաշրջանը

27/04/2023

2023թ. ապրիլի 27-28-ին ՀՀ ԳԱԱ Հ. Աճառյանի անվան լեզվի ինստիտուտում կայացավ «Ջահուկյանական ընթերցումներ» գիտական հերթական նստաշրջանը։ Թեմատիկ բազմազանությամբ աչքի ընկնող զեկուցումները նվիրված էին հայերենագիտության ամենատարբեր բնագավառներին։ Ինչպես միշտ, բարբառագիտական հետազոտություններով զբաղվող գիտաշխատողները հանդես եկան հայերենի բարբառների ուսումնասիրությունների ասպարեզում իրենց ձեռքբերումները ներկայացնող զեկուցումներով։ Հնչեցին նաև գրական արևելահայերենի և արևմտահայերենի բառաքննական և ստուգաբանական հետազոտությունների արդյունքներին նվիրված զեկուցումներ, որոնք բոլորն էլ հետաքրքիր էին և շատ դեպքերում ՝ առողջ բանավեճ հարուցող։ ԳԱԱ լեզվի ինստիտուտի տնօրեն Վ.Կատվալյանն իր ամփոփիչ խոսքում գոհունակությամբ նշեց, որ մեծ լեզվաբան, ակադ. Գևորգ Ջահուկյանի պատվին ծնունդ առած գիտաժողովն արդեն մեկուկես տասնամյակից ավելի ծառայում է իր ստանձնած առաքելությանը՝ հայագիտության և հայերենագիտության զարգացման կարևոր գործին։

Բարբառագիտության բաժնի ավագ գիտաշխատող Ջեմմա Բառնասյան

Մուտք գործեք մեկնաբանությունների համար

Հայտարարություններ

Միջազգային գիտաժողով՝ նվիրված ակադեմիկոս Սերգեյ Աբրահամյանի ծննդյան 100-ամյակին

Սիրով հրավիրում ենք մասնակցելու ակադեմիկոս Սերգեյ Աբրահամյանի ծննդյան 100-ամյակին նվիրվածմիջազգային գիտաժողովին, որը տեղի կունենա 2025 թ. մայիսի 19-20-ին Երևանում։ Գիտաժողովը կազմակերպում են ՀՀ ԳԱԱ հայագիտության և հասարակականգիտությունների բաժանմունքը, ԳԱԱ Հ. Աճառյանի անվան լեզվի ինստիտուտը, Խ.Աբովյանի անվան հայկական պետական...
Առաջին շրջաբերական

Հարգարժա՛ն գործընկերներ,

Սիրով տեղեկացնում ենք, որ ՀՀ ԳԱԱ Հ.Աճառյանի անվան լեզվի ինստիտուտը 2025 թ. հունիսի 12-ից 13-ը կազմակերպում է հայերենագիտական նստաշրջան՝ նվիրված ակադեմիկոս Գևորգ ...