«Հայոց լեզուն դպրոցական դասագրքերում» կլոր սեղան-քննարկում

21/02/2017

Մայրենի լեզվի օրվան նվիրված միջոցառումների շրջանակներում Սփյուռքի նախարարությունը և ԳԱԱ Հ. Աճառյանի անվան լեզվի ինստիտուտը տարիներ շարունակ կազմակերպում են գիտական նստաշրջաններ, համաժողովներ, քննարկումներ և սեմինարներ: Այս տարին ևս բացառություն չէր: Փետրվարի 20-ին ԳԱԱ նիստերի դահլիճում տեղի ունեցավ Սփյուռքի նախարարության և ԳԱԱ Հ. Աճառյանի անվան լեզվի ինստիտուտի կազմակերպած «Հայոց լեզուն դպրոցական դասագրքերում» կլոր սեղան-քննարկումը:

Միջոցառմանը ներկա էին Սփյուռքի նախարար Հ. Հակոբյանը, Կրթության և գիտության նախարար Լ. Մկրտչյանը, ԳԱԱ նախագահ Ռ. Մարտիրոսյանը, ինչպես նաև մտավորականներ, լեզվաբաններ, ուսուցիչներ գիտական և ուսումնական տարբեր հաստատություններից: Տեսաուղերձով քննարկմանը մասնակցեցին նաև սփյուռքի անվանի գործիչներ: Քննարկման մասնակիցները հանդես եկան արժեքավոր և հետաքրքիր զեկուցումներով: ԳԱԱ լեզվի ինստիտուտի գիտաշխատողներ բ.գ.թ. Մ.Սարգսյանը և բ.գ.թ. Գ.Մկրտչյանը կլոր սեղան-քննարկմանն ընդառաջ այցելել էին Երևանի տարբեր դպրոցներ` թե' ավագ, թե' հիմնական, թե' վարժարաններ, կազմակերպել քննարկումներ ուսուցիչների հետ: Համակարգելով դպրոցական դասագրքերում առկա խնդիրները, թերությունները` նրանք հանդես եկան ուշագրավ դիտարկումներով և առաջարկներով:

ԳԱԱ լեզվի ինստիտուտի տնօրեն Վ.Կատվալյանը, կարևորելով մայրենի լեզվի անաղարտության խնդիրը դպրոցական դասագրքերում, կոչ արեց բոլոր պատկան մարմիններին, մասնագետներին, լեզվաբաններին Լեզվի ինստիտուտին ներկայացնել իրենց դիտարկումներն ու առաջարկները, որպեսզի ինստիտուտը համակարգի դրանք և առաջարկ-ծրագիր ներկայացնի Կրթության և գիտության նախարարությանը:

Հայտարարություններ

Գիտաժողով՝ «Բառագիտության արդի խնդիրներ»

ԳԻՏԱԺՈՂՈՎԻ ՀՐԱՎԵՐ

Հարգելի՛ գործընկերներ,

Սիրով տեղեկացնում ենք, որ ՀՀ ԳԱԱ Հ. Աճառյանի անվան լեզվի ինստիտուտը 2025 թ. հունիսի 27-ին հրավիրում է «Բառագիտության արդի խնդիրներ» խորագրով գիտաժողով:

Գիտաժողովին զեկուցումով մասնակցելու համար անհրաժեշտ է...
Միջազգային գիտաժողով՝ նվիրված ակադեմիկոս Սերգեյ Աբրահամյանի ծննդյան 100-ամյակին

Սիրով հրավիրում ենք մասնակցելու ակադեմիկոս Սերգեյ Աբրահամյանի ծննդյան 100-ամյակին նվիրվածմիջազգային գիտաժողովին, որը տեղի կունենա 2025 թ. մայիսի 19-20-ին Երևանում։ Գիտաժողովը կազմակերպում են ՀՀ ԳԱԱ հայագիտության և հասարակականգիտությունների բաժանմունքը, ԳԱԱ Հ. Աճառյանի անվան լեզվի ինստիտուտը, Խ.Աբովյանի անվան հայկական պետական...
Առաջին շրջաբերական

Հարգարժա՛ն գործընկերներ,

Սիրով տեղեկացնում ենք, որ ՀՀ ԳԱԱ Հ.Աճառյանի անվան լեզվի ինստիտուտը 2025 թ. հունիսի 12-ից 13-ը կազմակերպում է հայերենագիտական նստաշրջան՝ նվիրված ակադեմիկոս Գևորգ ...