Հայ լեզվաբանության 11-րդ միջազգային գիտաժողովը սկսեց իր աշխատանքները

03/10/2017

ՀՀ ԳԱԱ նախագահության նիստերի դահլիճում հոկտեմբերի 2-ին իր աշխատանքներն սկսեց Հայ լեզվաբանության 11-րդ միջազգային գիտաժողովը: Բացման խոսքով հանդես եկավ ՀՀ ԳԱԱ Հ.Աճառյանի անվան լեզվի ինստիտուտի տնօրեն Վ.Կատվալյանը: Նա նաև մասնակիցներին փոխանցեց ՀՀ Սփյուռքի նախարար Հ.Հակոբյանի ողջույնի խոսքն ու բարեմաղթանքները: Գիտաժողովի մասնակիցներին ողջունեց և հայ լեզվաբանության զարգացման հեռանկարներին անդրադարձավ ՀՀ ԳԱԱ ՀՀԳԲ ակադեմիկոս-քարտուղար Յու.Սուվարյանը: Գիտաժողովի երկու նիստերի ընթացքում հնչած յուրաքանչյուր զեկուցման հաջորդում էր աշխույժ քննարկում, հարց ու պատասխան:

Գիտաժողովը իր աշխատանքները շարունակելու է մինչև հոկտեմբերի 5-ը: Աշխարհի 11 երկիր ներկայացնող շուրջ 60 հետազոտողներ ներկայացնելու են հայերենի բոլոր դրսևորումներին, լեզվի բոլոր մակարդակներին, զանազան գիտաճյուղերի և գիտակարգերի վերաբերող, տարբեր հայեցակետերով ու մեթոդներով կատարված իրենց հետազոտությունների արդյունքները:

Հայտարարություններ

Գիտաժողով՝ «Բառագիտության արդի խնդիրներ»

ԳԻՏԱԺՈՂՈՎԻ ՀՐԱՎԵՐ

Հարգելի՛ գործընկերներ,

Սիրով տեղեկացնում ենք, որ ՀՀ ԳԱԱ Հ. Աճառյանի անվան լեզվի ինստիտուտը 2025 թ. հունիսի 27-ին հրավիրում է «Բառագիտության արդի խնդիրներ» խորագրով գիտաժողով:

Գիտաժողովին զեկուցումով մասնակցելու համար անհրաժեշտ է...
Միջազգային գիտաժողով՝ նվիրված ակադեմիկոս Սերգեյ Աբրահամյանի ծննդյան 100-ամյակին

Սիրով հրավիրում ենք մասնակցելու ակադեմիկոս Սերգեյ Աբրահամյանի ծննդյան 100-ամյակին նվիրվածմիջազգային գիտաժողովին, որը տեղի կունենա 2025 թ. մայիսի 19-20-ին Երևանում։ Գիտաժողովը կազմակերպում են ՀՀ ԳԱԱ հայագիտության և հասարակականգիտությունների բաժանմունքը, ԳԱԱ Հ. Աճառյանի անվան լեզվի ինստիտուտը, Խ.Աբովյանի անվան հայկական պետական...
Առաջին շրջաբերական

Հարգարժա՛ն գործընկերներ,

Սիրով տեղեկացնում ենք, որ ՀՀ ԳԱԱ Հ.Աճառյանի անվան լեզվի ինստիտուտը 2025 թ. հունիսի 12-ից 13-ը կազմակերպում է հայերենագիտական նստաշրջան՝ նվիրված ակադեմիկոս Գևորգ ...