Հանդիսավոր նիստ` նվիրված բ.գ.դ., պրոֆեսոր Լիանա Հովսեփյանի 75-ամյակին

        2016թ. լրացավ բանասիրական գիտությունների դոկտոր, պրոֆեսոր Լիանա Սամվելի Հովսեփյանի ծննդյան 75-ամյակը:  Այս առիթով ԳԱԱ լեզվի ինստիտուտում հրավիրվել էր գիտխորհրդի նիստ: Գիտնականի հոբելյանը հարմար առիթ էր հարազատ ինստիտուտում մեկ անգամ ևս ամփոփելու ու գնահատելու գիտնականի անցած ուղին և  գիտամանկավար­ժական հարուստ գործունեությունը: Նիստը շնորհավորական խոսքով բացեց լեզվի ինստիտուտի տնօրեն Վիկտոր Կատվալյանը:

         Նա  երկար տարիների կյանք ու առողջություն մաղթեց հոբելյարին՝ միաժամանակ գնահատելով նրա գիտական ձեռքբերումները գրաբարի և միջին հայերենի ուսումնասիրության խնդիրների մեկնաբանման ու հմակարգի նկարագրոթյան, հայերենի զարզացման տարբեր փուլերի համակողմանի տիպաբանական բնութագրման, լեզվի ձևայնացված նկարագրության և կաղապարման, հումանիտար գիտությունների ասպարեզում համակարգչային տեխնիկայի ներդրման, համակարգչային ծրագրավորման լեզվաբանական ապահովման ասպարեզում:  
       Հիանալի մարդու, մեր երկրի իսկական քաղաքացու, ազնիվ և տաղանդավոր գիտնականի, իսկական հայորդու իր անձնական նկարագրով Լիանա Հովսեփյանը վաստակել է բոլոր աշխատակիցների սերն ու  համակրանքը:
        Սրտանց շնորհավորում ենք հոբելյարին, մաղթում քաջառողջություն, արևշատություն, երկար տարիների գործունեություն, որը, վստահ ենք, կարդյունավորվի նորանոր ձեռքբերումներով: