Հանդիպում Ռումինիայի ԳԱԱ երկայացուցիչների հետ

13/06/2018

Հունիսի 13-ին ՀՀ ԳԱԱ Հ. Աճառյանի անվան լեզվի ինստիտուտում հյուրընկալվեցին Ռումինիայի գիտություների ակադեմիայի Հարավարևելյան Եվրոպայի ուսումնասիրությունների ինստիտուտի տնօրեն Անդրեյ Թիմոթին և լեզվաբանության ինստիտուտի գիտքարտուղար Էմանուելա Թիմոթին:

Նրանք Հայաստան էին ժամանել՝ մասնակցելու ՀՀ ԳԱԱ արևելագիտության ինստիտուտի կազմակերպած միջազգային գիտաժողովին՝ նվիրված ազգային բարերար, դիվանագետ և պետական գործիչ Մանուկ Բեյ Միրզայանին:

Հյուրերը հետաքրքրված էին մասնավորապես հայոց լեզվի պատմական զարգացման հիմնական ուղղություններով, հայ բարբառների ուսումնասիրության խնդիրներով ու հեռանկարներով: Լեզվի ինստիտուտի տնօրեն Վ. Կատվալյանը խոսեց նաև Հայաստան-Սփյուռք հարաբերությունների, Ռումինիայի հայ համայնքի լեզվական ու մշակութային յուրահատկությունների և դրանց հետազոտման անհրաժեշտության մասին: Հյուրերն անդրադարձան իրենց երկրում հայ և ռումին ժողովուրդների լեզվամշակութային առնչություններին:

Որոշեցին երկու երկրների ԳԱԱ ինստիտուտների միջև կնքել համագործակցության պայմանագիր, ձևավորել սերտ բարեկամական ու գործընկերային հարաբերություններ, ծավալել համատեղ հետազոտություններ, կազմակերպել գիտաժողովներ և փոխադարձ այցեր, իրականացնել տարաբնույթ ծրագրեր:

Հայտարարություններ

Գիտաժողով՝ «Բառագիտության արդի խնդիրներ»

ԳԻՏԱԺՈՂՈՎԻ ՀՐԱՎԵՐ

Հարգելի՛ գործընկերներ,

Սիրով տեղեկացնում ենք, որ ՀՀ ԳԱԱ Հ. Աճառյանի անվան լեզվի ինստիտուտը 2025 թ. հունիսի 27-ին հրավիրում է «Բառագիտության արդի խնդիրներ» խորագրով գիտաժողով:

Գիտաժողովին զեկուցումով մասնակցելու համար անհրաժեշտ է...
Միջազգային գիտաժողով՝ նվիրված ակադեմիկոս Սերգեյ Աբրահամյանի ծննդյան 100-ամյակին

Սիրով հրավիրում ենք մասնակցելու ակադեմիկոս Սերգեյ Աբրահամյանի ծննդյան 100-ամյակին նվիրվածմիջազգային գիտաժողովին, որը տեղի կունենա 2025 թ. մայիսի 19-20-ին Երևանում։ Գիտաժողովը կազմակերպում են ՀՀ ԳԱԱ հայագիտության և հասարակականգիտությունների բաժանմունքը, ԳԱԱ Հ. Աճառյանի անվան լեզվի ինստիտուտը, Խ.Աբովյանի անվան հայկական պետական...
Առաջին շրջաբերական

Հարգարժա՛ն գործընկերներ,

Սիրով տեղեկացնում ենք, որ ՀՀ ԳԱԱ Հ.Աճառյանի անվան լեզվի ինստիտուտը 2025 թ. հունիսի 12-ից 13-ը կազմակերպում է հայերենագիտական նստաշրջան՝ նվիրված ակադեմիկոս Գևորգ ...