Հանդիպում-քննարկում երիտասարդ լեզվաբանների հետ

      Ինստիտուտի տնօրեն Վ. Կատվալյանը ողջունեց երիտասարդ գիտաշխատակիցների հետազոտական նախաձեռնությունները, կատարեց առաջարկություններ և հանձնարարություններ:                          

          Մասնավորապես երիտասարդ գիտաշխատակից Վալենտին Խաչատրյանին առաջարկեց ամփոփել նախորդ տարվա կատարած հետազոտությունը և առաջիկա տարվա ընթացքում ներկայացնել հրատարակության: Մերի Սարգսյանին հանձնարարվեց սեմինար անցկացնել Գ. Ջահուկյանի ընդհանուր լեզվաբանական տերմինաբանության թեմայով:

        Ինստիտուտի տնօրենը նշեց, որ երիտասարդները պետք է վառ պահեն գիտության լույսը, հետևեն գիտական խոսքին, ապահովեն գիտական պատշաճ մակարդակ: Աշխատակիցներին առաջարկվեց հանդես գալ նոր նախաձեռնություններով, ավելի մեծ ակտիվություն ցուցաբերել գիտաժողովներում և սեմինարներին, մասնակցել ինստիտուտի նստաշրջաններին, տարվա ընթացքում առնվազն երկու հրապարակում ունենալ:

        Քննարկվեցին նաև կազմակերպական բնույթի հարցեր՝ կապված առաջիկա գիտաժողովների և հատկապես Երիտասարդ լեզվաբանների հանրապետական գիտաժողովի վերաբերյալ:

 

 

Կրտսեր գիտաշխատող Մերի Սարգսյան