Հանդիպում ինստիտուտի ասպիրանտների և հայցորդների հետ

          2017 թ. հոկտեմբերի 12-ին  ԳԱԱ Հ.Աճառյանի անվան լեզվի ինստիտուտում տեղի ունեցավ տնօրենության հանդիպում ինստիտուտի ասպիրանտների և հայցորդների հետ: Երիտասարդ հետազոտողները, ամփոփելով ընթացիկ տարում կատարած գիտական աշխատանքը, ներկայացրին իրենց հուզող հարցերն ու խնդիրները:

         Ինստիտուտի փոխտնօրեն Ն.Հովհաննիսյանը երիտասարդ հետազոտողներին հորդորեց ավելի ակտիվ ու նախաձեռնող լինել, մասնակցել ինստիտուտի կազմակերպած գիտական միջոցառումներին:

         Ինստիտուտի գիտքարտուղար Ա․Աբրահամյանը ներկայացրեց ՀՀ կրթության և գիտության նախարարի «Հետբուհական մասնագիտական կրթական ծրա­­գրերում (ասպիրանտուրա և հայցորդություն) կրեդիտային համակարգի ներ­դրման մասին» հրամանի բովանդակությունը, պատասխանեց ասպիրանտների՝ կրթական ծրագրի կառուցվածքի, պարտադիր և ընտրովի դասընթացների, գնահատ­ման եղանակների վերաբերյալ հար­ցերին։

        Երիտասարդ լեզվաբանների հանրապետական 7-րդ գիտաժողովի կազմակերպական աշխատանքների մասին հաղորդմամբ հանդես եկավ երիտասարդ լեզվաբան­ների խորհրդի նախագահ Տ․Սիրունյանը։ Նա, կարևորելով  նստաշրջանին ինստիտուտի ասպիրանտների և հայցորդների մասնակցությունը, նշեց, որ լավագույն զեկուցումները կհրատարակվեն։

         Հանդիպման վերջում երիտասարդ հետազոտողները մտքեր փոխանակեցին ապագա ծրագրերի և գիտական բնույթի այլ հարցերի շուրջ։