Հանդիպում Անահիտ Տոնապետյանի հետ

       

          Այսօր` սեպտեմբերի 29-ին, ՀՀ ԳԱԱ Հ.Աճառյանի անվան լեզվի ինստիուտի տնօրեն պարոն Վիկտոր Կատվալյանը ընդունեց   Փարիզի արևելյան լեզուների և քաղաքակրթությունների ազգային ինստիտուտի  հայագիտական  ամբիոնի վարիչ, ՀՀ ԳԱԱ արտասահմանյան անդամ Անահիտ Տոնապետյանին:

      Հանդիպման ընթացքում քննարկվեցին  ամբիոնի աշխատանքները  և հետագա անելիքները:

       Տիկին Տոնապետյանը նշեց, որ Հայաստանի Հանրապետությունից դուրս հայագիտության ամբիոնը միակ վայրն   է, որտեղ կա ամբողջական հայագիտության  ծրագիր` 1-ին կուրսից  մինչև դոկտորական  , որը ընդգրկում է նաև սկսնակներին:

     Ամբիոնում գործում է SeDYL  հետազոտական կենտրոն, որը զբաղվում է լեզվաբանական, բարբառագիտական հետազոտություններով. ուսումնասիրվում են հատկապես  Գորիսի տարածաշրջանի բարբառները:

      Կենտրոնը այժմ կազմակերպել է խումբ, որը զբաղվում է լեզուների փոփոխականությամբ` բարբառային, պատմական, որը ընգրկում է Արևմտյան Ասիան, Կովկասը և Միջին Արևելքը: Կենտրոնը փորձում է այս շրջանակներում  համեմատականորեն ուսումնասիրել  տարածաշրջանի բարբառային առաձնահատկությունները` ջանալով գտնել տեղական, աշխարհագրական  ընդհանրություններ հայերենի, քրդերենի, ասորերենի, թուրքերենի բարբառներում:

     Կենտրոնը այժմ զբաղվում է Արևմտյան Հայաստանի բարբառների քարտեզի ծրագիրը կազմելով, որը հնարավորություն կտա ներմուծել լեզվաբանական տվյալներ և ուսումնասիրել աշխարհագրական փոփոխականությունները:

     Հանդիպման ավարտին կողմերը քննարկեցին առաջիկա ծրագրերը և հետագա համագործակցության հնարավորությունները: