Գիտաժողով` նվիրված հայ բարբառագիտության հիմնախնդիրներին

09/10/2014

ՀՀ ԳԱԱ Հ.Աճառյանի անվան լեզվի ինստիտուտում հոկտեմբերի 8-ին և 9-ին ընթացավ «Հայ բարբառագիտության հիմնախնդիրներ» միջազգային գիտաժողովը: Հայաստանը, ԱՄՆ-ն, ՌԴ-ն, Ֆրանսիան, Ավստրիան, Շվեդիան, Նիդեռլանդները, Իրանի Իսլամական Հանրապետությունը ներկայացնող շուրջ երեք տասնյակ հայերենագետների ու բարբառագետների քննարկման առարկա էին բարբառագիտության տեսական հարցեր, բարբառային հայերենի ուսումնասիրության արդի խնդիրներ: Գիտաժողովի արդյունքները հոկտեմբերի 10-ին ամփոփվեցին արտագնա նիստում, որը տեղի ունենցավ ԵՊՀ Իջևանի մասնաճյուղում՝ տեղի պրոֆեսորադասախոսական կազմի և ուսանողության մասնակցությամբ: Մարզային բուհի մասնագետներն ու ուսանողները ծանոթացան գիտաժողովում հայերենագետների ներկայացրած գիտական նորույթներին, ստացան իրենց հետաքրքրող հարցերի պատասխանները: Հ.Աճառյանի անվան լեզվի ինստիտուտի և ԵՊՀ Իջևանի մասնաճյուղի միջև կնքվեց հայոց լեզվի ուսումնասիրման և ուսուցման ոլորտներում համագործակցության հուշագիր: Գիտաժողովի մասնակիցները ճանաչողական այցով եղան Մակարավանքում:

Հայտարարություններ

ԾԱՆՈՒՑՈՒՄ

Ս.թ. հունիսի 12-13-ին կայացած «Ջահուկյանական ընթերցումներ» գիտական նստաշրջանի հարգելի՛ մասնակիցներ, «Ջահուկյանական ընթերցումներ» հանդեսին հոդվածները ներկայացնելու վերջին ժամկետը 2025թ. հուլիսի մեկն է:

Ատենախոսություններ