Գիտական նիստ ընդհանուր և համեմատական լեզվաբանության բաժնում

20/01/2020

2020 թվականի հունվարի 17-ին ԳԱԱ Հ․ Աճառյանի անվան լեզվի ինստիտուտի ընդհանուր և համեմատական լեզվաբանության բաժնում տեղի ունեցավ հերթական գիտական քննարկումը, որի ընթացքում որոշվեց ձեռնամուխ լինել «Հայերենը իբրև հնդեվրոպական լեզու» աշխատության ստեղծմանը:

Բաժնի վարիչ Վ․ Համբարձումյանը ներկայացրեց աշխատանքի կառուցվածքը, հնչեցին մի շարք կարծիքներ և առաջարկություններ, արվեցին ուշագրավ դիտողություններ՝ ուսումնասիրությունն առավել արդյունավետ դարձնելու նպատակով։ Որոշվեց համատեղ ջանքերով կազմել հայերենի հնդեվրոպական բնույթին վերաբերող բառարան, բառարանում անդրադառնալ հնչյունական, արմատական և բառային առանձնահատկություններին, քննել ծագումնային առնչությունների հարցը և այլն։

Բառարանի կազմման սկզբունքներին որոշվեց անդրադառնալ բաժնում կայանալիք հաջորդ նիստերում ևս՝ աշխատանքը առավել լիարժեք դարձնելու և ամբողջացնելու նպատակով:

Մուտք գործեք մեկնաբանությունների համար

Հայտարարություններ

ԾԱՆՈՒՑՈՒՄ

Ս.թ. հունիսի 12-13-ին կայացած «Ջահուկյանական ընթերցումներ» գիտական նստաշրջանի հարգելի՛ մասնակիցներ, «Ջահուկյանական ընթերցումներ» հանդեսին հոդվածները ներկայացնելու վերջին ժամկետը 2025թ. հուլիսի մեկն է:

Ատենախոսություններ