Գիտական քննարկում՝ նվիրված Արցախ-Սյունիքի բարբառային տարածքի բառապաշարին

            Ս.թ. հուլիսի 8-ին  ԳԱԱ  Հ. Աճառյանի անվան լեզվի ինստիտուտի բարբառագիտության բաժնում տեղի ունեցավ Արցախ-Սյունիքի բարբառային տարածքի բառապաշարին նվիրված գիտական քննարկում:

            Բաժնի հյուրը՝ բանասիրական գիտությունների թեկնածու Մհեր Քումունցը, բաժնի աշխատակիցներին ներկայացրեց իր «Արցախ-Սյունիքի բարբառային տարածքի բառապաշարը» աշխատանքի կառուցվածքը և առանձին գլուխները, որոնցում քննել է բարբառային տարածքի բառապաշարի շերտերը՝ հինհայերենյան և միջինհայերենյան իրողությունները, արևելյան լեզուներից և ռուսերենից կատարված փոխառությունները, առանձնահատուկ բարբառային բառերը:

            Աշխատանքի վերաբերյալ կարծիքներ արտահայտեցինինստիտուտի տնօրեն Վ. Կատվալյանը,բաժնի գիտաշխատողներ Գ. Գևորգյանը, Ջ. Բառնասյանը, Հ. Մեսրոպյանը, Հ. Խաչատրյանը, Ա. Վարդանյանը:

            Մ. Քումունցը շնորհակալությամբ ընդունեց դիտողություններն ու խորհուրդները՝ առաջիկայում աշխատանքը առավել լիարժեք դարձնելու և ամբողջացնելու համար: