Գիտական քննարկում հայոց լեզվի պատմության բաժնում

        Հոկտեմբերի 2-ին հայոց լեզվի պատմության բաժնում տեղի ունեցավ հերթական գիտական քննարկումը, որն այս անգամ վերաբերում էր Ղ․ Փարպեցու երկերի քննական բնագրում  հնչյունական տարբերակներով առկայացած բառերին։ Բանախոսը ներկայացրեց մի շարք օրինակներ, ապա նշեց, թե որոնք են 5-րդ դարի համար տարածված և  որոնք՝ գրական օրինաչափությունից շեղվող ձևերը։ Մի քանի տարբերակներ էլ, ըստ բանախոսի,  անմիջա­կանորեն կրում են հեղինակի մայրենի բարբառի կնիքը։ Խոսք եղավ նաև այն մասին, որ մի մասն էլ, ամենայն հավանականությամբ, հետագա գրչագրական սխալների կամ ձեռագիրն ընդօրինակողների կողմից արված նորամուծությունների հետևանք է։   

            Ծավալվեց մտքերի աշխույժ փոխանակություն, արվեցին ուշագրավ դիտողություններ հետագա ուսումնա­սիրու­թյուն­ներն առավել արդյունավետ կազմակերպելու ուղղությամբ։