Գիտական քննարկում հայոց լեզվի պատմության բաժնում

20/05/2019

Ս.թ. մայիսի 20-ին Հ. Աճառյանի անվան լեզվի ինստիտուտի հայոց լեզվի պատմության բաժնում քննարկվեց Գրիգորիսի «Քննութիւն բնութեան մարդոյ և նորին ցաւոց» բժշկարանի բառապաշարի ընդհանուր բնութագիրը: Նշվեց, որ 13-րդ դարի Կիլիկյան բժշկական դպրոցի հայտնի ներկայացուցիչ և Մ. Հերացու հետևորդ բժիշկ Գրիգորիսի բժշկարանը մեծ հետաքրքրություն է ներկայացնում միջին հայերենի բառապաշարի քննության տեսանկյունից: Այս երկում իրենց արտացոլումն են գտել միջին հայերենի շրջանին բնորոշ բազմաթիվ բնիկ հայերեն, բարբառային բառեր, ժողովրդախոսկցական կազմություններ, բառիմաստի նոր իմաստներ, ինչպես նաև զգալի թվով փոխառություններ: Արձանագրվեց, որ Գրիգորիսի բժշկարանն ընդգրկված չէ ՆՀԲ-ի և ՀԱԲ-ի սկզբնաղբյուրների շարքում՝ չնայած սույն երկում տեղ գտած զգալի թվով բառեր վկայված չեն նաև նախորդ դարի բժշկարաններում և հնարավոր է, որ առաջին գրավոր վկայությունները լինեն:

Բանախոսն անդրադարձավ բժշկարանի ախտաբանական և կազմախոսական տերմիններին, առանձին խմբերով ներկայացրեց փոխառյալ բառերը, նորակազմություններն ու բառերի իմաստային նոր դրսևորումները:

Բաժնում ծավալվեց հետաքրքիր ու բովանդակալից քննարկում: Եղան որոշ նկատառումներ: Բանախոսը պատասխանեց գիտաշխատակիցների հարցերին:

Հայտարարություններ

Գիտաժողով՝ «Բառագիտության արդի խնդիրներ»

ԳԻՏԱԺՈՂՈՎԻ ՀՐԱՎԵՐ

Հարգելի՛ գործընկերներ,

Սիրով տեղեկացնում ենք, որ ՀՀ ԳԱԱ Հ. Աճառյանի անվան լեզվի ինստիտուտը 2025 թ. հունիսի 27-ին հրավիրում է «Բառագիտության արդի խնդիրներ» խորագրով գիտաժողով:

Գիտաժողովին զեկուցումով մասնակցելու համար անհրաժեշտ է...
Միջազգային գիտաժողով՝ նվիրված ակադեմիկոս Սերգեյ Աբրահամյանի ծննդյան 100-ամյակին

Սիրով հրավիրում ենք մասնակցելու ակադեմիկոս Սերգեյ Աբրահամյանի ծննդյան 100-ամյակին նվիրվածմիջազգային գիտաժողովին, որը տեղի կունենա 2025 թ. մայիսի 19-20-ին Երևանում։ Գիտաժողովը կազմակերպում են ՀՀ ԳԱԱ հայագիտության և հասարակականգիտությունների բաժանմունքը, ԳԱԱ Հ. Աճառյանի անվան լեզվի ինստիտուտը, Խ.Աբովյանի անվան հայկական պետական...
Առաջին շրջաբերական

Հարգարժա՛ն գործընկերներ,

Սիրով տեղեկացնում ենք, որ ՀՀ ԳԱԱ Հ.Աճառյանի անվան լեզվի ինստիտուտը 2025 թ. հունիսի 12-ից 13-ը կազմակերպում է հայերենագիտական նստաշրջան՝ նվիրված ակադեմիկոս Գևորգ ...