Գիտական քննարկում հայոց լեզվի պատմության բաժնում

        Մայիսի 10-ին հայոց լեզվի պատմության բաժնի քննարկումը վերաբերում էր արդի հայերենում գոյականի հոգնակիակազմության առանձնահատկություններին: Բանա­խոսը հատկապես անդրա­դարձավ ընդհանուր օրինաչափությունից շեղվող ձևերին, անհարկի զուգա­ձևություններին և մամուլում տարածված սխալ կազմություններին: Որոշ իրողություններ դիտարկվեցին հայերենի պատմական զարգացման տեսանկյունից։ Խոսք եղավ նաև այն մասին, որ տարբեր բառարաններում և աշխատություններում որոշ բառերի համար տրված են տարբեր հոգնակերտ­ներ, ինչպես՝ ջրհորեր // ջրհորներ, չվերթեր // չվերթներ, փառատոներ // փառատոններ և այլն:

            Ծավալվեց աշխույժ քննարկում: Բաժնի գիտաշ­խա­տողները յուրաքանչյուր օրինակի առնչությամբ արտա­հա­յ­տեցին իրենց կարծիքները՝ փորձելով որոշել ընդունելի ձևերը։ Որոշ հարցերի շուրջ եղան նաև տարակարծություններ։