Գիտական քննարկում ընդհանուր և համեմատական լեզվաբանության բաժնում

01/03/2019

Սույն թվականի մարտի 1-ին ՀՀ ԳԱԱ Հ.Աճառյանի անվան լեզվի ինստիտուտի ընդհանուր և համեմատական լեզվաբանության բաժնում տեղի ունեցավ հերթական գիտական քննարկումը: Քննարկվեց «Արդի լեզվավիճակ և մշակույթ» թեման: Բաժնի աշխատակից, բ.գ.թ. Ս.Ավետյանը, անդրադառնալով արդի լեզվավիճակի խնդիրներին, նշեց. «Լեզվաբանության արդի փուլում չափազանց մեծ ուշադրություն է դարձվում լեզվակառուցվածքի և լեզվագործածության փոխհարաբերությանը: Ըստ այդմ՝ լեզվագործածությունը՝ մասնավորապես լեզվական ձևերի կիրառահաճախականությունը , մեծապես պայմանավորում է լեզվակառուցվածքի բնույթը՝ ինչպես համաժամանակյա, այնպես էլ տարաժամանակյա փոփոխությունների ուղղվածությունը: Այդ պարագայում ժամանակակից հայերենի հաճախականության նոր բառարանի կազմումը պարզապես անհրաժեշտություն է, որը հնարավորություն կտա ճիշտ կերպով դիտարկել և գնահատել արդի հայերենի ընթացիկ փոփոխությունները և վեր հանել լեզվի հետագա զարգացման միտումները»:
Բ.գ.թ. Մ. Սարգսյանը խոսեց արդի համաշխարհայնացման պայմանաններում մայրենի լեզուների պահպանման խնդրի մասին, անդրադարձավ ամերիկացի լեզվաբաններ Ս. Գ. Թոմսոնի և Թ. Կոֆմանի լեզվամշակութաբանական դիտարկումներին, նշեց. «Տնտեսական և մշակութային գլոբալիզացիայի արդի պայմաններում մերօրյա լինգվա ֆրանկաները բավական մեծ ճնշում են գործադրում մայրենի լեզուների վրա: Հայերենի նկատմամբ նույնպես նմանատիպ ճնշում կա: Մի կողմից աշխարհին ներկայանալու խնդիր կա, մյուս կողմից՝ հայերենը պահպանելու: Հետևաբար շատ կարևոր է հստակ որոշել գերիշխող և մայրենի լեզուները կիրառելու և գործառելու սահմանները»:

Քննարկումը բավական հետաքրքիր և արդյունավետ էր, նոր ծրագրեր մշակելու և ուսումնասիրելու գաղափարներ տվեց:

Հայտարարություններ

Գիտաժողով՝ «Բառագիտության արդի խնդիրներ»

ԳԻՏԱԺՈՂՈՎԻ ՀՐԱՎԵՐ

Հարգելի՛ գործընկերներ,

Սիրով տեղեկացնում ենք, որ ՀՀ ԳԱԱ Հ. Աճառյանի անվան լեզվի ինստիտուտը 2025 թ. հունիսի 27-ին հրավիրում է «Բառագիտության արդի խնդիրներ» խորագրով գիտաժողով:

Գիտաժողովին զեկուցումով մասնակցելու համար անհրաժեշտ է...
Միջազգային գիտաժողով՝ նվիրված ակադեմիկոս Սերգեյ Աբրահամյանի ծննդյան 100-ամյակին

Սիրով հրավիրում ենք մասնակցելու ակադեմիկոս Սերգեյ Աբրահամյանի ծննդյան 100-ամյակին նվիրվածմիջազգային գիտաժողովին, որը տեղի կունենա 2025 թ. մայիսի 19-20-ին Երևանում։ Գիտաժողովը կազմակերպում են ՀՀ ԳԱԱ հայագիտության և հասարակականգիտությունների բաժանմունքը, ԳԱԱ Հ. Աճառյանի անվան լեզվի ինստիտուտը, Խ.Աբովյանի անվան հայկական պետական...
Առաջին շրջաբերական

Հարգարժա՛ն գործընկերներ,

Սիրով տեղեկացնում ենք, որ ՀՀ ԳԱԱ Հ.Աճառյանի անվան լեզվի ինստիտուտը 2025 թ. հունիսի 12-ից 13-ը կազմակերպում է հայերենագիտական նստաշրջան՝ նվիրված ակադեմիկոս Գևորգ ...