Գիտական քննարկում բարբառագիտության բաժնում

08/10/2019

Ս. թ. հոկտեմբերի 7-ին ԳԱԱ Հ. Աճառյանի անվան լեզվի ինստիտուտի բարբառագիտության բաժնում տեղի ունեցավ «Ծածկալեզուն հայ բարբառներում» խորագրով քննարկում, ինչպես նաև շարունակվեց «Բարբառային տերմինաբանության հարցեր» քննարկումը:

Բաժնի ավագ գիտաշխատող Ա. Վարդանյանը խոսեց ծածկալեզվի մասին և մասնավորապես ներկայացրեց Ագուլիսի բարբառի հարուստ ծածկալեզուն: Հարցի վերաբերյալ կարծիքներ արտահայտեցին ինստիտուտի տնօրեն Վ. Կատվալյանը, բաժնի գիտաշխատողներ Ա. Աբրահամյանը, Գ. Գևորգյանը, Ջ. Բառնասյանը, Հ. Խաչատրյանը, Ա. Մկրտումյանը:

Այնուհետև Վ. Կատվալյանը խոսեց բարբառային տերմնաբանության որոշ հարցերի շուրջ (բառային զուգաբանություններ, բառիմաստային զուգաբանություններ և այլն): Կարևորվեց հայ բարբառագիտության մեջ հնարավորինս միասնական տերմինների կիրառումը:

Հայտարարություններ

ԾԱՆՈՒՑՈՒՄ

Ս.թ. հունիսի 12-13-ին կայացած «Ջահուկյանական ընթերցումներ» գիտական նստաշրջանի հարգելի՛ մասնակիցներ, «Ջահուկյանական ընթերցումներ» հանդեսին հոդվածները ներկայացնելու վերջին ժամկետը 2025թ. հուլիսի մեկն է:

Ատենախոսություններ