Գիտական քննարկում բարբառագիտության բաժնում

27/05/2019

Սույն թվի մայիսի 27-ին ԳԱԱ լեզվի ինստիտուտի բարբառագիտության բաժնում շարունակվեց բարբառագիտական տերմինաբանությանն առնչվող հարցերի քննարկումը: Գիտաշխատողները դիտարկեցին գիտության տվյալ ոլորտին առնչվող մի շարք տերմինների գործառական և իմաստային յուրահատկությունները: Մտքերի փոխանակությանը մասնակցեցին Վ. Կատվալյանը, Հ. Մեսրոպյանը, Ջ. Բառնասյանը, Հ. Խաչատրյանը, Ա. Վարդանյանը:

Քննարկմանը մասնակցեց նաև ԵՊՀ մագիստրոս Մարիանա Բոցինյանը, որը ներկայացրեց Դոնի Ռոստովի Չալդըր, Թոփտի, Մեծ Սալա, Սուլթան Սալա գյուղերի խոսվածքների՝ իր հետազոտության արդյունքում վեր հանված արդի վիճակը՝ զուգահեռներ անցկացնելով Նոր Նախիջևանի բարբառին նվիրված աճառյանական հայտնի ուսումնասիրության հետ: Բաժնի աշխատակիցները ընդգծեցին բարբառագիտական ուսումնասիրությունների կարևորությունը և երիտասարդ հետազոտողին առաջարկեցին շարունակել ուսումնասիրությունը՝ առաջնորդվելով լեզվի ինստիտուտի հրապարակած Հայերենի բարբառագիտական ատլասի նյութերի հավաքման ծրագրով:

Հայտարարություններ

Միջազգային գիտաժողով՝ նվիրված ակադեմիկոս Սերգեյ Աբրահամյանի ծննդյան 100-ամյակին

Սիրով հրավիրում ենք մասնակցելու ակադեմիկոս Սերգեյ Աբրահամյանի ծննդյան 100-ամյակին նվիրվածմիջազգային գիտաժողովին, որը տեղի կունենա 2025 թ. մայիսի 19-20-ին Երևանում։ Գիտաժողովը կազմակերպում են ՀՀ ԳԱԱ հայագիտության և հասարակականգիտությունների բաժանմունքը, ԳԱԱ Հ. Աճառյանի անվան լեզվի ինստիտուտը, Խ.Աբովյանի անվան հայկական պետական...
Առաջին շրջաբերական

Հարգարժա՛ն գործընկերներ,

Սիրով տեղեկացնում ենք, որ ՀՀ ԳԱԱ Հ.Աճառյանի անվան լեզվի ինստիտուտը 2025 թ. հունիսի 12-ից 13-ը կազմակերպում է հայերենագիտական նստաշրջան՝ նվիրված ակադեմիկոս Գևորգ ...