Գիտական քննարկում արդի հայերենի բաժնում

          Սույն թվականի հունիսի 28-ին տեղի ունեցավ գիտական քննարկում՝ նվիրված «Ներտեքստային տրամաբանական կապը Թումանյանի քառյակներում» թեմային:  

         Թումանյանի քառյակների հիմնական միջուկը մարդու և աշխարհի մասին փիլիսոփայական խորհրդածություններն են:

          Բանախոսը մանրամասնորեն ներկայացրեց տրամաբանական կապի դրսևորումները քառյակներում: Նա նշեց, որ Թումանյանը քառյակների ներքին գեղարվեստական տրամաբանությամբ բացահայտում է այդ տարիներին իր կրած անհատական ծանր կորուստները, մանկության անցքերն ու վայրերը, հոգևոր որոնումների և ճակատագրի հարցերը, մարդու պատմական ճակատագրի, անհատի և հասարակության փոխհարաբերության հարցերը, մարդու և բնության փոխհարաբերության խնդիրները: Քառյակներում կան նաև այլ կապակցման միջոցներ (կրկնություն, վերաբերական):

      Քննարկման ավարտին ծավալվեց մտքերի աշխույժ փոխանակություն: